Qariialarǧa tegın qyzmet körsettı
Nūr-Sūltan qalasy äkımdıgınıŋ halyqty jūmyspen qamtu ortalyǧy elorda äkımdıgınıŋ «Şarapat» äleumettık qyzmet körsetu ortalyǧynda tegın manikiur jäne şaştaraz qyzmetterın ūiymdastyrdy.
Būl şara «Eŋbek» nätijelı jūmyspen qamtudy jäne jappai käsıpkerlıktı damytudyŋ 2017-2021 jyldarǧa arnalǧan memlekettık baǧdarlamasy aiasynda jüzege asyrylyp otyr. Oquǧa qatysuşylar qariialardyŋ şaşyn qiyp, manikiur jasap, olarǧa jaǧymdy köŋıl-küi syilady.
Nūrlan İsekeev, Nūr-Sūltan qalasy äkımdıgınıŋ halyqty jūmyspen qamtu ortalyǧy direktorynyŋ orynbasary:
– Bızdıŋ ortalyq arqyly «Eŋbek» baǧdarlamasymen şaştaraz, manikiur, pedikiur boiynşa käsıptık qysqa merzımdı oqu oqyp jatqan jastar qarttar üiıne kelıp qariialarǧa tegın äleumettık qyzmet körsettı. Mekemenı özımız taŋdadyq, basqa da äleumettık mekemelerge barudy josparlap otyrmyz. Olar «Tamsan» oqu ortalyǧynda oqyǧanyn praktika jüzınde ıske asyrady.
– Qazırgı uaqytta «Şarapat» ortalyǧynda 324 adamǧa qyzmet körsetıldı, onyŋ ışınde 1-nşı, 2-ınşı top mügedekterı bar, Otan soǧysy ardagerlerı men soǧan teŋestırılgender, tyŋ igeruşıler bar, qimyl-qozǧalyssyz qalǧandar sany jüzden asady.
Jadyra MŪRATBEKOVA