QARMAQ QAPQAN KÜN
Elordanyŋ ırgesındegı Qoiandy su qoimasynda Astana künıne orai respublikalyq «Jyl balyqşysy – 2017» atty balyq aulaudan jarys öttı.
Biylǧy jarys osymen üşınşı märte ötıp otyr. Oǧan 12 komanda qatysty. Olardyŋ arasynda bas qaladan bölek, Qaraǧandy, Aqmola, Soltüstık Qazaqstan oblystary men Almaty qalasynyŋ ädeiı at terletıp kelgen komandalar boldy. Biylǧy jarys osymen üşınşı märte ötıp otyr. Oǧan 12 komanda qatysty. Olardyŋ arasynda bas qaladan bölek, Qaraǧandy, Aqmola, Soltüstık Qazaqstan oblystary men Almaty qalasynyŋ ädeiı at terletıp kelgen komandalar boldy. – Şaranyŋ maqsaty – tabiǧatty aialauǧa, jaqsy köruge şaqyru. Tabiǧat aiasyna demaluǧa şyqqanda adamdar eşqandai qaldyq qaldyrmai, tazalyq saqtap jürse deimız. Bır jaǧynan, sony nasihattaimyz. Al jarystyŋ jyl saiyn auqymy keŋeiıp keledı.
Biyl respublikalyq därejede ötkızıp otyrmyz. Saiystyŋ öz erejesı bar. 12 komandany 3 sektorǧa böldık. Är bölımge töreşı bekıtıldı. Balyqşylar bır orynda otyryp, fidermen ǧana aulaidy. Jeŋımpaz aulanǧan balyqtyŋ salmaǧyna bailanysty anyqtalady, – dedı Astana äkımdıgıne qarasty «Jas Nūr» öndırıstık-şaruaşylyq käsıpornynyŋ Tabiǧatty qorǧau bölımınıŋ basşysy Jarylqasyn Däuletūly.Sonymen, taŋerteŋ bastalyp keşke deiın sozylǧan saiysta 2,8 kg balyq ūstaǧan «Astana fişing klab» komandasy bas jüldenı jeŋıp aldy. Ekınşı oryndy «Ordabasy» komandasy ielendı. Üşınşı oryn «Nūr jasa» komandasyna būiyrdy. Jüldegerlerdıŋ bärı baǧaly syilyqtarmen marapattaldy.
Azamat ESENJOL