Qarttar men balalardy qūttyqtady
Astana äkımı Baqyt Sūltanov Jaŋa jyl qarsaŋynda qarttarǧa jäne mügedekterge arnalǧan medisinalyq-äleumettık mekemege, balalar üiı men mamandandyrylǧan balalar üiıne bardy.
Qarttar men balalardy Jaŋa jylmen qūttyqtaǧan qala basşysy «Şarapat» äleumettık qyzmet körsetu ortalyǧyna syilyq retınde 700 myŋ teŋgelık sertifikatty tapsyryp, balalarǧa kompiuter men basqa da baǧaly syilyqtardy, türlı tättılerge toly sebettı syiǧa tartty.
Balalar üiınde 4 pen 18 jas aralyǧyndaǧy 80 bala tärbielenıp jatyr. Jyl boiy balalar üiın balalardy qoldau ortalyǧyna ainaldyru jūmystary jürgızılgen. Būl qanatqaqty joba balalardy beiımdeu, damytu, otbasyna ornalastyru jäne otbasyn qoldau siiaqty tört ortalyqtyŋ basyn qosady.
Mamandandyrylǧan balalar üiınde B.Sūltanov mekemenıŋ ūjymymen, tärbielenuşılermen kezdesıp, merekelık şaraǧa qatysty. Kezdesu barysynda Astana äkımı qarjylyq qamtamasyz etu, äleumettık pedagogtardyŋ jalaqysy men tūrǧyn üimen qamtamasyz etu mäselelerın talqylady. «7-20-25» baǧdarlamasy aiasynda 100 tūrǧyn üi sertifikaty bölıngenın bılesızder. Bız ony äleumettık sektordaǧy mamandarǧa bölemız. Būl – bılım, densaulyq saqtau salalarynyŋ, äleumettık salalardyŋ mamandary, polisiia qyzmetkerlerı. Osylaişa, sızderge qoldau körsetpekpız. Aldaǧy uaqytta arnaiy baǧdarlama äzırlenetın bolady. Būl mäsele keşendı şaralardy talap etedı» degen B.Sūltanov Jaŋa jylda şydam, densaulyq, jaŋa jeŋıster men jetıstıkter, igılıkter tıledı.