Astana äkımı Baqyt Sūltanov qalalyq mäslihat deputattarymen kezdestı. jüzdesude ötıp bara jatqan jyl qorytyndylanyp, keler jyldyŋ josparlary belgılendı.
«Osy jyly qalada auqymdy jūmystar atqaryldy. Astana üşın būl jyl bar jaǧynan jaqsy jyl boldy. Dälel retınde 2018 jyldy joǧary ekonomikalyq körsetkıştermen aiaqtap otyrǧanymyzdy aitsaq ta jetkılıktı. Jalpy öŋırlık önım kölemı boljamdyq baǧalau boiynşa 6 trln teŋgenı qūraidy. Qalanyŋ önerkäsıptık käsıporyndary men qyzmet körsetu salasy 544 mlrd teŋgeden astam somaǧa önım öndırdı. Būl salada ösım ötken jylmen salystyrǧanda 9,6 paiyzǧa artty» dedı Astana äkımı.
2017 jylmen salystyrǧanda öŋdeuşı önerkäsıptegı öndırıs kölemı de 12,6%- ǧa ūlǧaidy. Osy jyly jük tasymaldau kölemı jalpy alǧanda 9 paiyzǧa östı. Bölşek sauda tauar ainalymy kölemı 1 trln teŋgeden asyp, ötken jylmen salystyrǧanda 6 paiyzǧa artqan. Memlekettık biudjetke salyqtyq tüsımder 981,9 mlrd teŋge kölemınde jinalǧan. Būl byltyrǧy körsetkışten 13,9 %-ǧa joǧary.
Baqyt Sūltanovtyŋ aituynşa, būl körsetkışter şaǧyn jäne orta biznestıŋ esebınen qalyptasqan, jalpy öŋırlık önım qūrylymynda onyŋ ülesı 55%-dy qūrady. «Alda jūmys köp. Osy üş aida qala tūrǧyndarymen jäne ÜEŪ sektory ökılderımen de kezdestım. Äleumettık ortalyqtarǧa jiı baruǧa tyrysudamyn. Özımdı şaşymnan baqaiyma deiın astanalyqpyn, qalany jaqsy bılem dep oilaǧan edım. Bıraq qala äkımı retınde 10 paiyz körgenımdı būryn bılmegenımdı tüsındım. Maqsatymyz – Astanany jahandyq qalaǧa ainaldyru. Astana kreativtı adamdardy, talantty jastardy, turister men şeteldık investorlardy tartatyn negızgı ortalyqqa ainalady. Ol üşın qala qūrylysynda zamanaui urbanistık şeşımder, jaŋa täsılder paidalanu qajet. Bır sözben aitqanda, qala tūrǧyndary men qonaqtaryna yŋǧaily orta jäne mümkındıgı şekteulı jandarǧa kedergısız jaily jaǧdai jasauymyz kerek» dedı qala basşysy.
Astana äkımı deputattarǧa nätijelı jäne bırlesken jūmystary üşın alǧys aityp, olardy kele jatqan Jaŋa jyl merekesımen qūttyqtady.
