QR Qaruly küşterin jas jauyngerlermen jasaqtau isi bastalyp ketti. Äskerge qyzmet etuge şaqyrylǧan 18-27 jas aralyǧyndaǧy bozbalalardyŋ Otan aldyndaǧy boryşyn atqaruǧa densaulyǧynyŋ jaramdylyǧyn tekseretin bir qalalyq jäne eki audandyq medisinalyq komissiia qūryldy. Köktemgi şaqyru jūmystarynyŋ barysy turaly Astana qalasy Qorǧanys isteri jönindegi departamenti bastyǧynyŋ orynbasary Erkinbek Baibolovqa jolyǧyp, bilgen edik.
Prezident Jarlyǧyna säikes 2012 jylǧy 2 säuirde azamattardy merzimdi äskeri qyzmetke köktemgi şaqyru bastaldy. Astana qalasy Qorǧanys isteri jönindegi departamenti jäne oǧan baǧynyşty Saryarqa, Almaty audandaryndaǧy Qorǧanys isteri jönindegi basqarmalary köktemgi şaqyru jūmystaryn qyzu bastap ketti. Jergilikti atqaruşy organdardyŋ şeşimimen äskerge şaqyru barysynda azamattardyŋ densaulyǧyn tiianaqty tekseruden ötkizetin medisinalyq komissiialar qūryldy.
– Biylǧy köktemgi şaqyrudyŋ negizgi erekşeligi qandai?
– Şaqyryluşylardyŋ bilim deŋgeileri men densaulyqtaryna qoiylatyn talaptyŋ artuyn basty erekşeligi dep aituǧa bolady. Sondai-aq, azamattardyŋ moraldyq-psihologiialyq ahualyna da barynşa män berilmek. Är azamatpen psihologtar äŋgimelesip, kerek bolǧan jaǧdaida ata-analarymen de kezdesedi. Biz üşin bozbalalardyŋ äsker qatarynda qyzmet etuge jan-jaqty daiyndyǧy asa maŋyzdy.
– Qandai azamattar äskeri qyzmetke şaqyrudy keiinge qaldyra alady?
– Azamattardy äskeri qyzmetke şaqyrudy keiinge qaldyru şeşimi arnaiy komissiiasynyŋ ūiǧarymy boiynşa qabyldanady. Ol otbasy jaǧdaiyna, bilim aludy jalǧastyruyna, densaulyǧyna jäne basqa sebep-terge bailanysty beriledi.
– Köktemgi şaqyru QR Qaruly küşteriniŋ mereili datasymen qatar kelip tūr eken…
– İä, aǧymdaǧy jyly QR Qaruly küşterine 20 jyl tolady. Aituly dataǧa säikes, barlyq äskeri bölimderde türli şaralar ötedi. Biylǧy şaqyryluşylar sol şaralarǧa tartylady. Osyndai şara säuir aiynyŋ soŋynda ötedi. Būl – äsker qataryna şaqyrylǧandardy saltanatty türde şyǧaryp salu räsimi. Oǧan Astana qalasynyŋ äkimdigi jäne «Nūr Otan» HDP tarapynan qoldau körsetilip, ädettegiden göri keŋ kölemde, jaŋa sipatta bolady dep josparlap otyrmyz.
Äzirlegen Aigül UAISOVA
