QARJY ORTALYǦYNYŊ ŞEKARASY KEŊEIDI
Astanada sahna saŋlaǧy Äzırbaijan Mämbetov, körnektı ǧalym Rymǧali Nūrǧaliūly jäne saiypqyran sportşy Anatolii Hrapatyi tūrǧan üilerge eskertkış taqta ornatu ūsynyldy. Seisenbı künı ötken Astana qalasy Qoǧamdyq keŋesınıŋ otyrysynda būl turaly qalalyq mädeniet, mūraǧattar jäne qūjattama basqarmasynyŋ bölım basşysy Kökbas Arysbek mälımdedı. Keŋes müşelerı būl ūsynysty bırauyzdan qoldady.
Qalalyq bılım basqarmasy
basşysynyŋ orynbasary Baǧlan Smataeva ata-ana qūqyǧynan aiyrylǧandarǧa balamen kezdesuge rūqsat berudıŋ jäne mümkındıgı şekteulı balalarǧa densaulyǧyn tüzeu ūiymdaryna joldama ūsynudyŋ tärtıbın tüsındırdı. Onyŋ aituynşa, eŋ bastysy kezdesude ata-ananyŋ balaǧa terıs yqpaly bolmauy kerek.
Otyrysta talqylanǧan maŋyzdy mäselelerdıŋ bırı «Astana» halyqaralyq qarjy ortalyǧynyŋ şekarasyn anyqtau turaly boldy. Būl ortalyqtyŋ basqaruşy direktory Saiasat Nūrbektıŋ sözınşe, ūiym kelesı jyldyŋ 1 qaŋtarynan jūmysyn bastaidy. «Ortalyqqa qatysuşylardy, onyŋ organdaryn sol qaŋtar aiynda tırketıp aluymyz kerek. Biylǧy jyldyŋ aiaǧyna deiın «EKSPO-2017» halyqaralyq körmesıne qatysuşylar körme qalaşyǧynan qondyrǧylaryn jinap, alyp ketuı kerek. Sodan keiın aumaqty qaita qūru jūmysy bastalady. Būl kem degende 1 jyldy alady. Mūnymen basqaruşy kompaniia bolyp qaita qūrylatyn qazırgı «Astana EKSPO-2017» ŪK» AQ ainalysady» dedı ol.
Qazırgı taŋda qarjy ortalyǧynyŋ şekarasy keŋeitılıp otyr. Talan Towers siiaqty jaŋa biznes ortalyqtary onyŋ aumaǧyna kırgızıldı. Sondyqtan şekara «Han şatyr» sauda-
oiyn-sauyq ortalyǧyna deiın sozyldy. «Astana» halyqaralyq qarjy ortalyǧynyŋ qala biudjetıne qanşa paida äkeletını kelesı jyldyŋ basynda, ortalyq jūmysyn bastaǧanda belgılı bolady. Bıraq aldyn ala 50 jylǧa boljam jasadyq» dedı Saiasat Nūrbek.
Otyrys soŋynda azyq-tülık, janar-jaǧar mai baǧasynyŋ, tarifterdıŋ ösuı mäselesı köterılıp, kelesı otyrysqa mäselenı tüsındıru üşın osyǧan jauapty organ ökılderın şaqyru ūiǧaryldy.
Amanǧali QALJANOV