Qala künı «Jetısu» saiabaǧynda şetelde tūratyn qandastardyŋ qatysuymen open air formatynda «Qasiettı Qazaq elı» atty halyqaralyq öner festivalı öttı.
Şaranyŋ aşyluynda qala äkımınıŋ orynbasary Erlan Kanalimov söz alyp, jūrtşylyqty astana künımen qūttyqtady.
– Halqymyzda «ötkendı eske almaǧan elde bolaşaq bolmaidy» degen dana söz bar. Bärımız ötkenımızden önege alyp, tarihtan taǧylym tüiıp, ūlttyq dästürımız ben mädenietımızdı därıptep, täuelsızdıgımızdı asqaqtata bılsek, alar asuymyz biıktei beredı. Halqymyz tabiǧatynan önerge jaqyn. Älemde basqalardan ūlttyq bolmysymen, ǧajaiyp dästürımen, bekzat önerımen erekşelenedı. Bügıngı festivalde qazaqtyŋ jyry men än-küiı şalqymaq, – dedı.
Sondai-aq Düniejüzı qazaqtary qauymdastyǧy töraǧasynyŋ bırınşı orynbasary Zauytbek Tūrysbekov te jiylǧan qauymǧa ızgı tılegın bıldırıp: «Elbasy saiasatynyŋ arqasynda 27 jylda 1 mln qazaq elge oraldy. Bügınde taǧy da 1 mln qandasymyz elge oralamyz dep niettenıp otyr. Bıraq bız olarǧa tiıstı jaǧdai jasauymyz kerek. Är kelgen otbasyny jūmys jäne baspanamen qamtamasyz etuımız qajet. Sonyŋ töŋıregınde 2 jobany bastadyq. Bıreuı – Nūr-Sūltan qalasynyŋ janynda, ekınşısı
Saryaǧaş audanynda jüzege asady» dedı ol.
Festival tört atalym boiynşa ūiymdastyryldy. Baiqauǧa qatysuǧa 10 elden 50-ge juyq önerpaz keldı.
«Müşäira» atalymynda Qytaidan kelgen aqyn Qabylbek Qajykenūly top jardy. «Terme» saiysynda özbekstandyq Bauyrjan Ermekbaev basqalardan ozyq şyqty. «Halyqtyq-qoldanbaly öner» atalymynda bırınşı oryndy Qytaidan kelgen şeber Badiǧa Baǧdalqyzy ielendı. Al ūlttyq ändı oryndauda reseilık Küljiian Qapyşevanyŋ baǧy jandy. Baiqaudyŋ syily qonaǧy bolyp qatysqan elordadaǧy Qazaq ūlttyq öner universitetınıŋ rektory, Eŋbek Erı Aiman Mūsaqojaeva jeŋımpaz atanǧan jastarǧa özı basqaryp otyrǧan oqu ordasynan bılım aluǧa tegın grant böletının aitty.
