Nūr-Sūltan qalasynyŋ äkımı elordadaǧy problemaly qūrylys nysandaryn aralaudy tūraqty jalǧastyryp keledı. Ötken demalys künderı taŋǧy jäne keşkılık aralau kezınde «Jaǧalau-3» jäne «Territoriia Komforta-2» tūrǧyn üi keşenderınıŋ üleskerlerımen kezdestı.
«Jaǧalau-3» tūrǧyn üi keşenınde bügınde jūmys qyzu jürıp jatyr. Terezeler ornatyldy jäne ışkı injenerlık jelıler jürgızılgen. Ǧimarattyŋ qasbetın nyǧaitu, kıreberısterde plitkalar ornatu jūmystary jalǧasuda. Alaida qala basşysy qūrylystyŋ qarqyny älı de älsız, qūrylys aumaǧyndaǧy jūmysşylar sanyn arttyru qajettıgın aitty. «Territoriia Komforta-2» tūrǧyn üi keşenı 2004 jyly tūrǧyzyla bastaǧan. Äkımnıŋ būrynǧy aralau barysynda tūrǧyndar asfalt töseudı sūraǧan bolatyn. Bügınde üige tehnikalyq tekseru jürgızılgen jäne jol bölıgı asfalttaldy. Qazır ǧimarattyŋ qasbetın nyǧaitu jäne parkingtıŋ qūrylymyn nyǧaitu jūmystary jürgızıletın bolady.
Sonymen qatar qala basşysy «Qorǧaljyn kvartaly» TK bolyp, mūndaǧy problema būryn būl üidıŋ qūjaty dūrys bolmaǧan, qūrylys jürgızu jūmysynda zaŋdylyqtar saqtalmaǧan. Endı būl nysandy «Nūrly Jer» baǧdarlamasy aiasynda «EKK» JŞS jürgızetın bolady.
Jalpy, qalada 51 (76 üi) problemalyq tūrǧyn keşenı bar. Jyl soŋyna deiın 10 tūrǧyn üi keşenı paidalanuǧa berıledı. Qūrylys barysyn Nur Otan jäne mäslihat deputattary baqylaidy.
