AİTV jūqpasynan saqtanuǧa bailanysty şaralardyŋ jan-jaqty jürgızılgenıne qaramastan būl dert künnen künge beleŋ alyp barady. Ötken on ekı aidyŋ ışınde Astana qalasynda infeksiianyŋ epidemiologiialyq jaǧdaiy 129 adamǧa östı. Būl – aldyŋǧy jyldarmen salystyrǧanda 30 paiyzǧa artyq.
Biyl alǧaşqy aidyŋ özınde elordada VİCh jūqtyrǧan 710 jaǧdai tırkeldı. Olardyŋ basym köpşılıgı, iaǧni 53,5 paiyzy – orynsyz jynystyq qatynasqa tüsetınder bolsa, 38,4 paiyzy – ineksiialyq esırtkı qoldanǧandar. 7,8 paiyzy – basqa jūǧu joldarynyŋ ülesınde. Al, jas şamasyna keler bolsaq, keiıngı jyldary AİTV jūqtyrǧandardyŋ 77 paiyzy eŋbek jasyndaǧy, iaǧni, 20-39 jas aralyǧyndaǧy jastar bolyp otyr. Būl körsetkışter eşkımdı bei-jai qaldyrmasy anyq. Sala mamandary qaterlı derttıŋ aldyn alu maqsatynda köptegen jūmystar jürgızude. Bıraq, naqty nätijege qol jetkızu üşın är adam özın, jaqyndaryn osynau ǧasyr dertınen saqtau joldaryn bıluı kerek. Astana qalasy «JİTS-nyŋ aldyn alu jäne oǧan qarsy küres ortalyǧy» MKQK bastamasymen elordanyŋ öndırıs oryndarynda jäne ülkendı-kışılı biznes qūrylymdarynda AİTV jūqpasyn aldyn aluǧa arnalǧan oqu baǧdarlamasy engızılgen. Atalǧan käsıporyndarda arnaiy seminarlar da ötkızılıp tūrady. Barlyq 1 myŋǧa tarta şaraǧa san myŋdaǧan adam qamtyldy. Mamandar, äsırese, sūlulyq salony, disko-klub, meiramhana, monşa, hauyz siiaqty adam aiaǧy köp jerlerde seminarlar ötkızudı basty nysanasyna alǧan.
Sondai-aq, aurudyŋ aldyn alu, saqtanu joldarymen tanystyru jaiynda keŋınen aqparat beru üşın BAQ-tyŋ ülesı basym ekendıgın eskere otyryp, JİTS ortalyǧynyŋ tapsyrysy boiynşa memlekettık jäne orys tılderınde tört beinerolik jasalyp, bırneşe telearnadan körsetıldı. Sonymen qosa tūrǧyndar köp şoǧyrlanatyn jerlerde, qoǧamdyq kölıkterdıŋ monitorlarynda, öndırıs oryndaryndaǧy ornatylǧan monitorlarda barlyǧy 1 474 484 aqparat jariialandy. Atalǧan şaralardyŋ jyl sanap artyp kele jatqany köŋıl quantarlyq jaǧdai jäne onyŋ nätijesız bolmaitynyna senımımız kämıl.
AİTV jūqpasy nemese JİTS sindromy turaly talai aitylyp, jazylyp ta jür. Soǧan qaramastan osy syrqatqa şaldyqqandardyŋ qatary köbeie tüsuınıŋ bır sebebı – mūndai aqparatqa köpşılık «maǧan qatysy joq» degen közqaraspen qaraidy. Osyndai nemqūrailylyq aurudyŋ taraluyna erık berıp otyr.
«AİTV jūqpasy esırtkı qūmarlar men jezökşelerde ǧana bolady» degen jaŋsaq tüsınıkten aryluymyz kerek. Är adam ǧasyr ındetı turaly, odan saqtanudyŋ joldaryn bıle jürgenı artyqtyq etpeidı. Al, bızdıŋ ortalyq kez kelgen uaqytta AİTV jūqpasy (SPİD) turasynda kez kelgen sūraqqa jauap berıp, kömek körsetuge äzır. Mekenjaiymyz: Astana qalasy, Esenberlin k-sı, 5/1, anyqtama telefondary: 38-15-85, 38-04-71
Erkınbek MOMYNBEKOV,
Astana qalasy JİTS ortalyǧy
ūiymdastyru bölımınıŋ meŋgeruşısı
