MÜGEDEKTERGE MEIIRIMDI BOLAIYQ
Nauryz meiramy künderı elordamyzda mümkındıgı şekteulı balalar jasaǧan būiymdardyŋ körme-järmeŋkesı ötedı. İgılıktı şarany ūiymdastyruşylardyŋ bırı – «Meiirimdilik-M» qoǧamdyq qorynyŋ töraiymy Aigül Seiılovamen jolyǧyp, qaiyrymdylyq aksiiasy turaly sūrap bılgen edık.
– Äz Nauryz merekesıne qandai şara daiyndap otyrsyzdar?
– Elbasy «Qazaqstan joly -2050:
bır maqsat, bır müdde, bır bolaşaq»
atty Joldauynda mügedekter mäselesıne erekşe toqtalyp, mümkındıgı şekteulı jandarǧa qamqorlyq körsetu qoǧam aldyndaǧy paryz dep basa aitqan edı. Mügedekterdıŋ qūqyǧy men müddesın qorǧau degenımız olardyŋ ömırlerıne meiırımdılık şuaǧyn tögıp, serpılıs beru qajettıgın jaqsy tüsınemız. Köptegen jürekterge jol tabatyn qaiyrymdylyq şaralaryn ūiymdastyryp jatyrmyz. Nauryzdyŋ 21-23 aralyǧynda «Asia park» sauda oiyn-sauyq ortalyǧynda «Armysyŋ, äz Nauryz!» atty mümkındıgı şekteulı balalardyŋ qolymen jasalǧan önımderdıŋ körme-järmeŋkesın ötkızemız.
– Järmeŋkenıŋ erekşelıgı qandai bolmaq?
– Ekspozisiiaǧa mügedek balalardyŋ öz qolymen jasaǧan 100-den astam tuyndysy qoiylady. Atap aitqanda, suretter, kartinalar, monşaq, biserden örılgen türlı kädesyilar men kiızden, aǧaştan jasalǧan būiymdar satylady.
Būdan basqa, 5-15 jastaǧy önerpaz balalardyŋ qatysuymen ötetın konserttık baǧdarlamamyz bar.
– Mümkındıgı şekteulı säbilerdıŋ järmeŋkege daiyndyǧy qandai?
– Öte jaqsy. Jüzge tarta tauarymyzdy buyp-tüiıp daiyndap otyrmyz. Jalpy, özımızben bır qoǧamda jürgen mümkındıgı şekteulı jandarǧa barşamyz meiırımdı boluymyz kerek dep oilaimyn. Qoldau men qamqorlyq bolsa olar qanattanyp, şabyttanyp jüredı. Ömırge degen qūştarlyǧy arta tüsedı. Osy körmege qatysqanymyzdyŋ özı olar üşın ülken demeu dep tüsınemın. Sondyqtan da osy şarany ötkızudegı maqsatymyz – mümkındıgı şekteulı balalardyŋ mäselesıne qoǧam nazaryn audaru, sonymen qatar, balalardyŋ şyǧarmaşylyq qabıletterın damytyp, yntalandyru bolyp otyr.
Aigül UAISOVA