Qazaqstan Respublikasynyŋ Tūŋǧyş Prezidentı – Elbasy kıtaphanasynda «Ortalyq Aziiadaǧy qauıpsızdık salasynyŋ ürdısterı» taqyrybynda halyqaralyq konferensiia öttı.
Konferensiiany kıtaphana qyzmetkerlerı Ūlttyq qorǧanys universitetı janyndaǧy Taiau Şyǧys pen Oŋtüstık Aziiany zertteu jäne Strategiialyq jäne halyqaralyq zertteu ortalyqtarymen bırlesıp ūiymdastyrdy.
Alqaly jiynǧa Amerika Qūrama Ştattary men Ündıstan, Auǧanstan, Ukraina, Täjıkstan, Özbekstan jäne basqa elderden kelgen sarapşylar, qoǧamdyq ūiym ökılderı men jurnalister qatysty.
Konferensiiany Qazaqstan Respublikasy Tūŋǧyş Prezidentı – Elbasy kıtaphanasy direktorynyŋ orynbasary T.Şaimergenov aşyp, «Strategiialyq jäne halyqaralyq zertteuler ortalyǧymen bırlesıp Ortalyq Aziianyŋ damuy boiynşa saraptamalyq baiandamalar äzırlendı. Atalǧan baiandamalar aimaqtyŋ damu äleuetın jäne älemdık ekonomikaǧa tereŋ integrasiia arqyly qoljetkızetın paidaly aspektılerdı, sonymen bırge euraziialyq keŋestıktıŋ transformasiiasy astarynda jatqan bıregei mümkındıkterdı aiǧaqtaidy» dedı.
Būdan keiın QR Prezidentı äkımşılıgı keŋsesı basşysynyŋ orynbasary B.Temırbolat qūttyqtau söz söilep, Taiau Şyǧys pen Oŋtüstık Aziiany zertteu jönındegı Ortalyqtyŋ dekany R.Kangas, Strategiialyq jäne halyqaralyq zertteuler ortalyǧynyŋ Resei men Euraziia baǧdarlamalary jönındegı direktory Dj. Mankoff, Strategiialyq jäne halyqaralyq zertteuler ortalyǧynyŋ kiber-qauıpsızdık jönındegı jetekşı sarapşysy, doktor U.Karter baiandama jasady.
Şeşenderdıŋ sözderınde Kazaqstannyŋ syrtqy saiasaty men aimaqtaǧy bastamalary jan-jaqty qarastyrylyp, Resei, Qytai, Europalyq Odaq jäne AQŞ sekıldı alpauyt memlekettermen sättı bailanystarǧa aiyryqşa köŋıl bölıngendıgı aityldy.
Elımızdıŋ Ortalyq jäne Oŋtüstık Aziia, İran, Türkiia elderı boiynşa jürgızeletın syrtqy saiasaty taldanyp, euraziialyq yntymaqtastyqtaǧy oŋtaily rölı erekşe atap ötıldı.
Sondai-aq, sarapşylarmen erkın sūhbat jürgızılıp, auditoriiadan qoiylǧan köptegen sūraqtarǧa jauap berıldı.
Taŋatar TÖLEUǦALİEV
