Euraziialyq ekonomikalyq odaqtyŋ (EAEO) tūrǧyndary densaulyǧyna qauıptı önımderdı tūtynyp jür.
Jaqynda Qytai mamandary EAEO elderınen eksporttalǧan soia maiy men rapstan gendı modifisirlengen aǧzalardy tauyp, önımdı şyǧarǧan elge şaǧym jıbergen. Al önımge tekseru jürgızgen baqylauşy organ Reseidıŋ – Chuvaşiia, Stavropol, Tatarstan, Habarov ölkesı, Nijegorod, Volgograd, Tula oblystarynda zaŋ jüzınde tyiym salynǧanyna qaramastan soia maiy men rapsqa qosatyn gendı-modifisirlengen önımderdıŋ ösırıletının anyqtaǧan.
Mūndai jaǧa ūstatarlyq jaŋalyqty «Halyq» partiiasynyŋ töraǧasy Aiqyn Qoŋyrov jariia ettı. «Qūjattardy tekseru nätijesınde önımderdıŋ halyqaralyq standarttarǧa säikestıgı turaly deklarasiianyŋ köpşılık bölıgı ötırık toltyrylady eken. Söitse, jalǧan deklarasiialar jalǧan zerthanalardyŋ hattamalary negızınde, eşqandai mındettı zertteuler jürgızılmei jasalatyny anyqtaldy. «Rosselhoznadzor» mamandary: «Soia maiy-GMÖ jäne raps-GMÖ anyqtalǧanyn eskersek, Reseide būdan basqa da GMÖ-daqyldar ösırıluı mümkın» dep mälımdedı. Mūndai qauıptı tauarlar bızge de kelıp jatqany anyq. Öitkenı şekaramyz aşyq. Demek, aldaǧy uaqytta osyndai densaulyqqa qauıptı önımderdı tūtynamyz. Mūndai bylyq-şylyqqa tosqauyl qoiu üşın bız Ükımetke arnauly deputattyq saual daiyndap jatyrmyz» dep jazdy Aiqyn Qoŋyrov äleumettık jelıdegı paraqşasynda.