Qazaq basylymdaryna sūranys tömen be? Olai deuımızdıŋ sebebı, qaladaǧy düŋgırşekterınen qazaqşa gazet-jurnaldardy tabu qiyn. Qazaq tıldı basylymdardyŋ sany sausaqpen sanarlyqtai ǧana. Al Reseiden keletın gazet-jurnaldarda esep joq.
Elımızdıŋ efir naryǧyn jaulap jatqan şeteldık teleradio kompaniialardy sanamaǧanda, myŋdaǧan gazet-jurnal erkın tasymaldanyp jatyr. Qazaq jas-tary sol basylymdardy bas almai oqidy. Äsırese, elordamyzda qazaq basylymdaryn satatyn düŋgırşek az. Olardaǧy baspasözdıŋ basym bölıgı baqa eldıŋ ideologiiasyn därıpteitın dünieler. Qaptaǧan şetel basylymynyŋ ışınen qazaqtıldı gazet-jurnaldy äreŋ tabasyz. Onyŋ özınde baǧasy öte tömen. Jaqynda poşta, qoǧamdyq oryndardaǧy (vokzal, aeroport) düŋgirşekterden qazaq gazetterın tappai äurelendık.
«Qazaq tilindegı basylymdarǧa sūranys az. Onyŋ özi ötpeidi. Qalada ««İnfo-Ses», «İz ruk v ruki», «Nedvijimost» siiaqty orys basylymdaryna sūranys köp. Öitkenı, astanalyqtardyŋ köpşılıgı orysşa oilap, sol tılde qarym-qatynas jasap, resmi tılde oquǧa beiım, – deidi gazet satuşy Klara Saǧatqyzy.
Onysy ras, qalamyzda taza qazaqşa basylymdar satatyn «Alty alaş» düŋgırşegı ǧana bar. Bolaşaqta, taza qazaqşa basylymdar satatyn osyndai düŋgırşekterdıŋ qarasy köbeise, sonymen qatar qazır sauda jürgızıp tūrǧan düŋgırşekterde qazaq tıldı gazet-jurnaldardyŋ sanyn köbeitu qolǧa alynsa, nūr üstıne nūr bolar edı.
Erkejan SÄTIMBEK
