Qazaqstannyŋ Ūlttyq Olimpiada komitetı men Astana qalasynyŋ äkımdıgı ūiymdastyrǧan Olimpiada künın atap ötuge 10 myŋnan astam astanalyqtar qatysty. Būl jyl saiyn atalyp ötıletın şara edı. Alaida, būryn osynşa adam jinalmaityn. Al, biylǧy merekenıŋ maŋyzy erekşe bolǧany osy jazda Ūlybritaniia astanasy Londonda HHH jazǧy Olimpiada oiyndarynyŋ jalauy köterıledı. Iаǧni, älemnıŋ eŋ üzdık sportşylary saiysqa tüsedı. Mıne, osy oqiǧa elordamyzda ötken Olimpiada künıne erekşe ruh bergenı aitpasa da tüsınıktı boldy.
Senbı künı astanalyqtar Qajymūqan atyndaǧy stadionǧa aǧyldy. Qarap otyrsaq, bes jasar bala da, alpystan asqan aqsaqal da osynda jür. Astana qalasynyŋ Turizm, dene şynyqtyru jäne sport basqarmasynyŋ mamandary keluşılerdı jastaryna qarai tırkeuden ötkızıp bolǧan soŋ saltanatty şeru öttı. Şerudı üş Olimpiada oiyndaryna qatysqan konkişı Radik Bikchantaev bastap jürdı. Al, olimpiadalyq merekege qatysuşylardy Astana qalasy äkımınıŋ orynbasary Erlan Qojaǧapanov sport jäne densaulyq merekesımen qūttyqtap, astanalyqtardy tek osyndai şaralar barysynda ǧana emes, tūraqty sportpen ainalysuǧa ündedı. Olimpiada oiyndarynyŋ chempiony Iýrii Melnichenko men kümıs jüldegerı Georgii Sursumiianyŋ tılekterı de köpşılıktıŋ köŋıl-küiın bır köterıp tastady.
Daŋqty baluandar biyl olimpiada jyly ekenın eske salyp, Londonda ötetın dübırlı dodada Qazaqstan sportşylaryna qyzu qoldau körseteiık dep taǧy bır ündeu saldy.
Olimpiadalyq jügıru jarystaryna memlekettık mekemeler, ministrlıkter men elşılıkter, joǧary oqu oryndary men mektep oquşylary, Respublikalyq ūlan sarbazdary men Prezidenttıŋ küzet qyzmetı qyzmetkerlerı qatysty. Salauatty ömır saltyn jaqtaǧan äuesqoi jügıruşıler qatary da az bolǧan joq.
Al, olimpiadalyq jügıru merekesınde jülde alǧandar jaiynda aitar bolsaq, balalar arasynda №10 orta mektep oquşysy Jasūlan Äkımjan men №66 lisei oquşysy Anastasiia Semechkina märe syzyǧyn bırınşı bolyp kestı. Studentter jarysynda L.Gumilev atyndaǧy Euraziia ūlttyq universitetınıŋ studentı Elmira Moldaşeva men Qarjy polisiiasy akademiiasynyŋ studentı Tūrlybek Amantai jeŋımpaz atandy. Basqa jas şamalary boiynşa ötken bäsekelerde K.Zeinullaev, E.Medvednikov, B.Nū ra hme to v , A.Qoryqbai, G.Kornilova jäne R.Miheeva jeŋıs tūǧyrynan körındı. Al otbasylar jarysynda Baimaǧambetovtar äuletınıŋ jūldyzy jandy.
Bır atap aitarymyz, aituly şara dästürdegıdei tek jügırıspen şektelıp qalmady. Ūiymdastyruşylar toǧyzqūmalaq, şahmat, arqan tartys, darts saiystarynan da bäsekeler ötkızıp, köpşılıktıŋ köŋıl-küi kötere bıldı.
Olimpiada künı merekesıne arnalǧan jarystarǧa qatysyp, jüldegerler qatarynan körıngen astanalyqtar qalasy äkımdıgı men osy şaraǧa demeuşı bolǧan «Sosa sola» kompaniiasynyŋ taǧaiyndaǧan syilyqtaryna ie boldy.
Astanalyqtardyŋ sport merekesı olimpiada künıne arnalǧan şaralarmen ǧana şektelıp qalmady. Demalys künderı Astana qalasy äkımdıgı men Niderland elşılıgı bırlesıp ūiymdastyrǧan velojarysta köptegen qala tūrǧyndary üşın naǧyz densaulyqtyŋ merekesıne ainaldy. Sondai-aq, qalanyŋ dästürıne ainalǧan «Ömır quatymen şynyq!» atty būqaralyq funksionaldyq jattyǧulardyŋ jaŋa mausymy da bastaldy. Esıl jaǧalauynda ötkızıletın osy şaraǧa ötken jyly 6500-den astam adam qatysqan bolatyn. Al, biyl būl körsetkış bırşama köterıletındei bolyp otyr. Būl jönınde Astana qalasynyŋ «Ūlttyq sport türlerı jäne būqaralyq dene şynyqtyru kluby» mekemesınıŋ direktory Erkın Äljanov «Būqaralyq funksionaldyq jattyǧularǧa qatysuşylar qatary köbeiıp keledı. Bızdıŋ mamandar aşyq aspan astynda densaulyqty şyŋdauǧa öte paidaly jattyǧular ötkıze bıledı. Biyl būl şaraǧa taǧy da qyzyqty baǧdarlamalar qosylady.
Sondyqtan, qala tūrǧyndaryn är aptanyŋ jūma künderı Esıl özenı jaǧasynda (Oquşylar saraiynyŋ alaŋy) saǧat 19.00-den 20.00-ge deiın ötetın būqaralyq gimnastika jattyǧularyna şaqyrǧym keledı.
Densaulyǧyŋyzdy kütuge jäne sergek te köŋıldı jüruıŋızge kömek körsetuge bız daiynbyz»,– deidı.
Olai bolsa, sport şaralaryna qatysyp, özımızdıŋ de, qalamyzdyŋ da salauatty boluyna yqylasty bolaiyq, astanalyq aǧaiyndar.
Ǧalym QOJABEKOV
