Keşe Memleket basşysy Nūrsūltan Nazarbaev Qazaqstanǧa resmi saparmen kelgen Türkiia Respublikasynyŋ Premer-ministrı Rejep Taiyp Erdoǧanmen kezdesıp, keŋeitılgen qūramda kelıssözder ötkızdı.
Astana älemdık dialog alaŋyna ainalady Nūrsūltan Nazarbaev: Türkiia jaily söz qozǧaǧanda aldymen būl eldıŋ Täuelsızdıgımızdı alǧaş bolyp moiyndaǧanyn auyzǧa alamyz. Osy kezdesude de Elbasy būl tarihi oqiǧanyŋ eşuaqytta ūmytylmaitynyn atap öttı.
Türkiia Respublikasy Qazaqstannyŋ täuelsızdıgın moiyndap qana qoiǧan joq, jas memlekettıŋ bolaşaǧy jarqyn bolaryna senıp, alǧaşqylardyŋ bırı bolyp diplomatiialyq qarym-qatynas ornatuǧa niet bıldırdı. Būl saiasi qadamdarynyŋ qate emestıgıne bügınde köz jetkızıp te ülgerdı.
«Qazaqstandy ūşan-teŋız bailyǧy,qarqyndy ösıp kele jatqan ekonomikasy bar Orta Aziianyŋ tap jürek tūsynda ornalasqan geostrategiialyq el dep esepteimız. Ärine, būl jerde sızdıŋ kümän tudyrmas ūlan-ǧaiyr täjıribeŋızdıŋ ülken maŋyzy bar. Qazaqstan täuelsızdıgın alǧannan bergı 20 jyldyŋ ışınde barlyq salada zor jetıstıkterge qol jetkızdı. Qazaqstan neǧūrlym jetıstıkterge jetse, bız ony soǧūrlym qoldaityn bolamyz»,– degen märtebelı meimannyŋ sözı osyny däleldese kerek. Bauyrlas ekı eldıŋ aralas-qūralas bolǧanyna biyl, mıne, 20 jyldyŋ jüzı boldy. Būǧan deiın de ekı el Prezidentterı men Ükımet basşylarynyŋ bırneşe kezdesuı öttı. Är kezdesu saiyn ekı jaqqa tiımdı talai qūjatqa mör basyldy. Nätijesınde alys-berıs jandandy. Astana ekonomikalyq forumy- men säikes kelgen Türkiia Ükımet basşysynyŋ kezektı saparyn da tabysty öttı deuge negız bar.
«Osy sapar barysynda ekı el arasyndaǧy ülken yntymaqtastyqqa qol qoiatyn bolamyz. Būl tūŋǧyş ret jasalyp otyrǧan ülken äreketter bolyp tabylady»,– dep Elbasy söz basynda aityp ötkendei, kezdesude maŋyzy zor mälımdemelerge qol qoiyldy.
Atap aitqanda, Elbasy Nūrsūltan Nazarbaev pen Türkiia Premer-ministrı Rejep Taiyp Erdoǧan Qazaqstan men Türkiia arasyndaǧy joǧarǧy deŋgeilı strategiialyq yntymaqtastyq keŋesın qūru turaly mälımdemege qol qoidy. Keŋestıŋ alǧaşqy otyrysy küz ailarynda Elbasynyŋ Türkiiaǧa sapary kezınde ötetın bolady.
Qol qoiylǧan ekınşı qūjat – ekı el Prezidentterınıŋ qoldauymen QR İndustriia jäne jaŋa tehnologiialar ministrlıgı men Türkiia Ekonomika ministrlıgı arasynda «Jaŋa sinergiia» bırlesken ekonomikalyq baǧdarlamasy boldy. Būl qūjat ekı memleket arasyndaǧy sauda ekonomikalyq, investisiialyq salalardaǧy yntymaqtastyqty joǧary deŋgeige şyǧaruǧa mümkındık bermek.
Sonymen qatar, Elbasy özınıŋ ūsynysymen Türkı keŋesınıŋ qūrylǧandyǧyn aitty. Türkı keŋesınıŋ kelesı kezdesuı biyl Bışkekte ötetın bolady.
Şynar DOSAN
