Jaqynda Prezident janyndaǧy Ūlttyq keŋes qūrylyp, onyŋ müşelerı belgılı boldy. Būl keŋestıŋ qūryluyn jūrtşylyq köpten kütıp jürdı. Öitkenı qoǧamda halyq pen bilık arasyn jıbek jıptei bailanystyryp tūratyn dialog alaŋy qajet. Būl – örkeniettı elderde qalyptasqan ürdıs. Sondyqtan halyq būl alaŋnan ülken ümıt kütedı. Keŋes müşelerı de öz salasynyŋ biıgın baǧyndyrǧan bedeldı azamattar. Endı osy tūlǧalar el ışındegı özektı mäselelerdı mūqiiat baǧdarlap, jıtı talqylaidy. Tūrǧyndardyŋ aitqan ūsynystaryn jerde qaldyrmai, ortaǧa salady dep senemız. Būl Ūlttyq keŋeske Memleket basşysy Qasym-Jomart Toqaevtyŋ özı jetekşılık etıp otyr. Osydan-aq keŋestıŋ salmaǧy zor ekenın tüsınemız.
Bız osy oraida belgılı aqyn, Memlekettık syilyqtyŋ laureaty Nesıpbek Aitūlynyŋ Ūlttyq keŋes turaly pıkırın sūraǧan edık.
– Qazır bız ekınşı ötpelı kezeŋde tūrmyz. Mūny kürdelı uaqyt dep te aituǧa bolady. Bügınge deiın el damuynda jetken jetıstıkterımız jeterlık. Sonymen bırge barmaq tısteitın «ättegen-ailarymyz» da joq emes. Şyndyǧyn aitqanda, halyqtyŋ bilıkke köŋılı tolmaidy. Men Ūlttyq keŋeske eşnärseden jaltaqtamaityn, tabanynyŋ bürı, auzynyŋ duasy bar jılıktı azamattar müşe bolsa dep oilap edım…
Bızde saiasatty sudai sapyratyn saiasatkerler köp. Bıraq olardyŋ denı ūlttyŋ tılı men qasıretın jan-tänımen sezıne bermeidı. «Ruhani jaŋǧyru» turaly köp aitamyz. Bıraq naqty atqarylǧan ıs az. Qazır ruhaniiatymyz öte jüdeu küidı bastan keşıp otyr. Ana tılımızdıŋ de jaǧdaiy oŋyp tūrǧan joq. Qazaq memleketı bolǧannan keiın qazaqtyŋ müddesı bärınen joǧary tūru kerek. Sondyqtan Ūlttyq keŋeste myna mäseleler qaralsa deimın. Bırınşı – memlekettık tıldıŋ märtebesı köterılse eken. Ekınşı – ūlttyq mädeniettı damytu kerek. Mädeniettıŋ basynda ūlttyq mädenietten habary joq adamdar otyr. Üşınşı – demografiiaǧa nazar audarǧan dūrys. Qazır kısı ölımı köbeidı. Törtınşı – dın mäselesın şeşu qajet. Besınşı – halyqtyŋ äl-auqatyn jaqsartudy qolǧa alǧan jön. Sondai-aq ūlttyq qauıpsızdık mäselesı de kün tärtıbınen tüspeu kerek.
