Baitaq Qazaqstannyŋ jerı keŋ, halyq sany az bolǧanymen, ortanyŋ lastanuy bırşama auyr dep aituǧa tolyq negız bar. Osy tūrǧydan alǧanda, #Birge #TazaQazaqstan ekologiiany qorǧau şarasyna Ükımet basşysy Asqar Mamin bastaǧan ministrler men Mäjılıs deputattary, qala äkımı Altai Kölgınov, memlekettık qyzmetkerler jäne ükımettık emes ūiymdardyŋ ökılderı men erıktı jastar, qoǧam belsendılerınıŋ belsendı atsalysuy quanarlyq bastama. Nūr-Sūltannan bastau alǧan būl igılıktı şara endı bükıl respublikada jalǧasyn tapsa igı edı… 
Ekologiia, geologiia jäne tabiǧi resurstar ministrı Maǧzūm Myrzaǧalievtıŋ bastamasymen #Birge #TazaQazaqstan ekologiialyq şarasy ūiymdastyrylyp, elorda ırgesındegı Qoiandy su qoimasynda jalpyhalyqtyq senbılık öttı.
Ekologiialyq şaraǧa Ükımet basşysy Asqar Mamin bastaǧan ministrler men Mäjılıs deputattary, qala äkımı Altai Kölgınov, memlekettık qyzmetkerler jäne ükımettık emes ūiymdar ökılderı men erıktı jastar, qoǧam belsendılerı, myŋnan asa qala tūrǧyny qatysty.
– Tabiǧatty qorǧau, aialau – bärımızdıŋ ortaq mındetımız. Sondyqtan būl bastama qūtty bolsyn! Osy ekologiialyq şaraǧa barlyq qazaqstandyqty qatysuǧa şaqyramyn. Barlyq deŋgeidegı äkımderge atalǧan aksiiany jalǧastyrudy tapsyramyn, – dedı Premer-ministr Asqar Mamin ekologiialyq şaranyŋ aşylu saltanatynda.
Öz kezegınde söz alǧan Ekologiia, geologiia jäne tabiǧi resurstar ministrı Maǧzūm Myrzaǧaliev künnıŋ ystyǧy men demalysqa qaramastan ekologiialyq şaraǧa qoldau körsetıp kelgen tūrǧyndarǧa alǧysyn bıldırdı.
– Aldaǧy uaqytta Bılım jäne ǧylym ministrlıgımen bırlesıp är mektep pen balabaqşada da ekologiialyq saǧattar ötkızıp, qaldyqty sūryptau jūmystaryn ūiymdastyru josparymyzda bar. Sebebı adam boiyndaǧy tazalyq bala kezden bastalady. Bırge! Taza Qazaqstan! – dedı Maǧzūm Myrzaǧaliev.
Esterıŋızge salsaq, Ekologiia, geologiia jäne tabiǧi resurstar ministrı Maǧzūm Myrzaǧaliev özınıŋ tvitterdegı paraqşasynda ekologiialyq şara ötkızu bastamasyn köterıp, oǧan elorda äkımı Altai Kölgınov qoldau körsetıp, şaraǧa qala tūrǧyndaryn belsendı qatysuǧa şaqyrǧan bolatyn. Qala äkımı osyndai igı şaranyŋ şahar ışınde de ötkızudıŋ maŋyzyna toqtaldy.
– Demalǧandy jaqsy köremız de, soŋynan jinaudy eskermeimız. Būl dūrys emes. Tazalyq – densaulyǧymyzdyŋ kepılı. Osyndai igı şaranyŋ jalǧasqany jön. Kelesı aptada osy ekologiialyq şarany qala ışınde de tūraqty türde ūiymdastyratyn bolamyz, – dedı Altai Kölgınov özınıŋ äleumettık jelıdegı paraqşasynda.
Qoiandy su qoimasynda ötken şaranyŋ resmi aşyluynan soŋ bilık ökılderı de qoldaryna qolǧap kiıp, qarapaiym tūrǧyndarmen bırge su qoimasynyŋ jaǧalauyn tazalauǧa bılek sybana kırıstı. Sonymen qatar şaraǧa Almaty oblysy Talǧar audanynan arnaiy kelgen belsendı jastar da qatysyp, qorşaǧan ortanyŋ tazalyǧyna öz ülesterın qosty.
– Būl – beiresmi jaǧdaidaǧy erekşe şara. Sebebı bilık pen halyq bırge küş bırıktırıp, tabiǧatty tazartu jūmystaryn bır adamdai atqaryp jatyr. Mūny dästürge ainaldyru kerek, – dedı senbılıkke qatysqan qoǧam belsendısı Mūrat Äbenov tılşılerge bergen sūhbatynda.
Qala äkımınıŋ ūsynysymen būl ekologiialyq estafeta senbı, 27 şılde künı elordada jalǧasyn tappaq. Esıl jäne Qarasu özenderınıŋ jaǧalaularyn ainalyp ötetın äuejaidan Qaraǧandy tas jolyna qarai tazartu josparlanyp otyr. Şahar basşysy qala tazalyǧyna beijai qaramaityn barlyq tūrǧyndy senbılıkke qatysuǧa şaqyrdy.
