…Aiaq astynan syrtqy esıgımızdıŋ qūlyby ısten şyqty. Qolynan keletın adamǧa qūlyp salǧyzbaqşy bolyp, mamandarǧa habarlastyq. Kıleŋ özge ūlt ökılderı eken. Senesız be, bır qazaq azamatyn tappadyq. Aqyry, orekeŋnıŋ bır balasyna saldyrtuǧa mäjbür boldyq. Asai-müseiımen jetıp kelgen ol jarty saǧattyq jūmysyna 45 myŋdy qaǧyp aldy.
Älgı qūlyp jöndegış qu künıne kemı 5-6 tapsyrys alady eken. Qūlyptardyŋ erekşelıkterıne bailanysty eŋbegıne alatyn aqysy 40 myŋnan 60 myŋǧa deiın baratyn körınedı. «Keibıreuler ekı qūlyp jasatady. Sol kezde baǧamyz da ekı eselenedı. Astanada qūrylys nysandary köp. Sondyqtan, tabysymyz da jaman emes» deidı ol. Būlardyŋ kündelıktı tabatyn aqşasyn ıştei eseptep kördık. Qomaqty qarjy. Osyndai qarjattyŋ ötınde bızdıŋ qazaqtar nege jürmeidı osy? Älde, älımızge qaramai qarapaiym mamandyqty mensınbeimız be? Bızdıkıler ylǧi ekonomist, zaŋger, qarjyger bolǧysy keledı. Tıptı, keibıreuler älıptı taiaq dep bılmeitın balasyna banktıŋ oquyn oqytqysy keledı. Astana qalalyq Jūmyspen qamtu jäne äleumettık baǧdarlamalar basqarmasynyŋ mälımetıne süiensek, byltyr elordadaǧy oqu oryndaryn tämamdaǧan 9 myŋnan astam tülektıŋ 55 paiyzy qarjyger, zaŋger syndy mamandyqtardy taŋdaǧan eken. Al, olardyŋ köpşılıgı jūmys taba almai sabylyp jür. Kerısınşe, qazırgı eŋbek naryǧynda qūrylysşy, tokar, elektrmen dänekerleuşı, teledidar jöndeuşı syndy tehnikalyq mamandyqtardyŋ däurenı jürıp tūr. Al, bız būl mamandyqty mensınbei, özımızşe mūryn şüiıre qaraimyz. Qalanyŋ qai būryşynda da kezıgetın tūrmystyq elektrondy būiymdardy, saǧattardy, antennalardy jöndeitınderdı alyp qaraiyqşy. Barlyǧy derlık özge ūlt ökılderı. Qazaqtar bolsa, ary ketse köşede jūrtşylyqty fotosuretke tüsırumen şekteledı.
Jalpy adamnyŋ bır baqyty – mamandyǧyn dūrys taŋdau. Jürek qalauymen adaspai taŋdalǧan maman iesı ǧana myqty kadr bola alady. Zertteulerge süiensek, oquǧa tüsken jastardyŋ 70 paiyzy mamandyq taŋdauda adasady eken. Demek, memleket te, ata-analar da ülken ekonomikalyq şyǧynǧa ūşyrap otyr degen söz. Mekteptı jaŋadan bıtırgen tülekterdıŋ mamandyq taŋdauda qatelesuıne köbıne ata-analar yqpal etedı eken. Ärine, kım balasyn jaman bolsyn deidı. Är ata-ana balasynyŋ joǧary bılım alǧanyn qalaidy. Söitedı de myqty mehanik bolǧaly tūrǧan balasyn ol ömırı qyzyqpaityn ekonomist mamandyǧyna süireidı. Osydan kelıp adasu bastalady.
Qazırgı naryq zamanynda tehnikalyq sala mamandaryna degen sūranys joǧary bolyp tūr. Sondyqtan, aspandaǧy aiǧa qarai ūmtyla bermei, bır sät naryq zaŋdylyǧyna qarai beiımdele jürgen de dūrys.
Qymbat Toqtamūrat
