ÄLEMDE TEŊDESI JOQ DIý SOLEI SİRKINIŊ QŪRAMYNDA ÖNER KÖRSETU – ÄRBIR ÄRTISTIŊ ARMANY BOLAR, SIRÄ. BŪL ARMANǦA BIZDIŊ QANDASYMYZ GAUHAR AHMETOVA-ATERTON QOL JETKIZDI. ÖZ JŪRTYMYZǦA REJİSSER QANAT BEISEKEEVTIŊ QYSQAMETRAJDY FİLMI ARQYLY TANYLǦAN QAZAQ QYZY – BÜGINGI BIZDIŊ KEIIPKERIMIZ.
– Diu Solei sirkınde öner körsetu – oryndalǧan armandarymnyŋ bırı. O bastan şetelge auyp, sol jerde tūraqtanudy eş oilamadym. Taǧdyrdyŋ qalauymen Niu-Iork qalasyna keldım. Sportqa kışkentai kezımnen bastap beiım boldym. Äpkem käsıbi sportpen ainalysatyn, men de qalyspai, jasaǧan jattyǧularyn, qimyldaryn aina-qatesız qaitalaitynmyn. Äpkemnıŋ bapkerı menıŋ talabymdy baiqap, anama «Kışkentai qyzyŋyz öte daryndy. Tübı bır jerdı jaryp şyǧady. Boiyndaǧy darynyn damytyp, şyǧarmaşylyǧyn şyŋdau kerek» dep jön sıltedı. Sol kezden bastap, aldyma maqsat qoidym. Kım bolyp, nemen ainalysatynymdy aiqyndap aldym, – dep Gauhar äŋgımesın bastady.
«Aqyryn jürıp, anyq bas» degendei, diu Soleidıŋ bolaşaq jūldyzy eŋ aldymen sport şeberlıgıne ümıtker atanǧysy keldı. Maqsatyna jettı. Keiın sport şeberı, odan qala berdı halyqaralyq sport şeberı degen deŋgeige jettı. Al armanynyŋ eŋ asyly sirktıŋ qūramynda bolu edı. Ataqty sirkte jūmys ıstegısı keletın kez kelgen ärtıs «Kün sirkınıŋ» otany – Monrealǧa baryp, täjıribeden ötedı. Sonda baryp bırte-bırte ysylady, şynyǧady, şyŋdalady. Gauhar 1 ai kölemınde daiyndyqtan ötıp, kämeletke tolǧannan keiın Sidneige jolǧa şyǧyp, önerdegı alǧaşqy qadamyn jasaidy. «Ekı chemodandy arqalap, el jerdı aralap jürdım. Sirk ärtısterınıŋ bar ömırı – osy. Jer şaryn kezıp jürgennen keiın, qatal qysqa da, jaimaşuaq jazǧa da daiyn bolu kereksıŋ. Bır jerde tūraqtamaisyŋ, ärbır jarty ai saiyn köşıp-qonyp jüresıŋ» dep akrobat qyz sirk ärtısterıne tän ömır saltyn baiandap berdı. Eŋ alǧaşqy jūmysy – «Varekai» şouynda Gauhar joldasymen tanysty. Söitıp jürgende, ekeuı kompaniia atynan kelesı şouǧa joldama aldy. Los Andjeles, Las Vegas, Niu-Iork dep gastrolder osylai jalǧasa berdı. «Qai jerde jaqsy jūmys bolsa – sol jerde ömır sürgen jaqsy. Ömır sonysymen de mändı» deidı ol.
Joldasy – britandyq. Gauhar bastapqyda aǧylşyn tılın bılmegendıkten, söilesu, tüsınısu qiynǧa soǧatyn deidı. Uaqyt öte kele, dostyq mahabbatqa ūlasty. Ekı jarym jyl bırge jūmys ıstep, äbden bır-bırıne üirenısıp ketken qos ärtıs bırge boluǧa bel budy. Gauhardyŋ özı joldasy turaly bylai deidı: «Endriu – menıŋ ainam siiaqty. Özım qandai bolsam, küieuım de sondai. Ömırımdegı jartymdy taptym dep senımmen aitamyn. Öte qarapaiym, jüregı keŋ. Aramyzdaǧy 13 jas aiyrmaşylyǧy da baiqalmaidy. Özıme jaily, jüregıme jaqyn adamdy kezıktırgenıme quanyştymyn. Jan jarymnyŋ qasynda özımdı baqytty sezınemın».
Qazır Gauhar üide, balalarynyŋ qasynda. «Jūmys jaiyna qaldy dei almaimyn, būny uaqytşa üzılıs deuge bolady. Balalarymdy baǧyp, köz aldymda ösıp-jetılgenın qaladym. Äkesı jūmys ıstep, al anasy üi şaruasynda boluy – zaŋdylyq. Uaqytşa bolsa da sirkpen qoş aitysu oŋaiǧa tüspedı, ärine. Bıraq balapandarym Kamali men Keisen bosaŋsuǧa mümkındık bermeidı» deidı jas ana.
Akrobat qyzdyŋ ömırınde äke-şeşesı men otbasysy erekşe oryn alady. Ärdaiym qoldau bıldırıp, şeşuşı sätterde, qiyn-qystau kezeŋderde janynan tabylatyn anasy ärbır jetıstıkterıne sebepker desem artyq emes. Sebebı qanaty qataiǧannan keiın, ūiadan ūşqan balapanyŋnyŋ ūzaq saparyn baqylau – bır jaǧynan köŋılge maqtanyş sezımın ūialatsa, ekınşı jaǧynan jüregıŋdı terbetedı.
Qazaqstan sport qūramasynda 17 jasyna deiın oinaǧan Gauhar talai dodalarda Tuymyzdy asqaqtatyp, Änūranymyzdy şyrqatty. Al onyŋ qatysuymen ötken Diu Solei sirkınıŋ är qoiylymynda jalauymyz jelbırep tūrdy.
Künı keşe ǧana Astanada diu Solei sirkınıŋ «Reflekt» şouy alǧaş qoiyldy. Jerlesterımızdıŋ köbısı būl qoiylymda qazaq qyzyn körgısı keldı. EKSPO aiasynda ötkızılıp jatqan şouǧa Gauhardyŋ qatysy bar ma, joq pa degendı öz auzynan estudı jön kördık.
– Astanaǧa keluge özım de ūmtyldym, sirktıŋ ökılı boluǧa kelısım berdım. Bıraq sodan berı eşqandai jaŋalyq joq. Öte ökınıştı. Tuǧan elıme, jerıme degen saǧynyşymdy jasyra almaimyn. Oraiy kelse, qalyŋ qazaq jūrtynyŋ aldynda älı öner körsetemın, – dep Gauhar jyly lebızın bıldırıp, äŋgımemızdı aiaqtady.
Güldana TALǦATQYZY
