«Aq jol» demokratiialyq partiiasy memlekettı «Qazaq Respublikasy» dep ataudy ūsyndy. Partiia müşelerı el esımınıŋ jaŋaruy Qazaqstannyŋ jaŋǧyruyna alyp kelerıne senımdı.
Būl turaly partiia basşysy Azat Peruaşev XVI qūryltaida partiianyŋ sailaualdy baǧdarlamasyn tanystyryp, söilegen sözınde mälımdegen. «Biyl «Alaş» avtonomiiasynan bastau alatyn jäne qazırgı Qazaqstannyŋ negızın qalaǧan Qazaq Respublikasyna 100 jyl toldy. Aldymen qatelesıp «Qyrǧyz» avtonomiialyq respublikasy dep atalyp, 5 jyldan keiın Sūltanbek Qojanūly, Säken Seifullin, Jalau Myŋbaiūly jäne de basqa tūlǧalardyŋ arqasynda respublikamyzǧa ūltymyzdyŋ töl atauy qaitaryldy. Ötken jyly «Aq jol» demokratiialyq partiiasy Ükımetke būl tarihi datany resmi atap ötudı jäne «Qazaqstan» atymen qatar, totalitarlyq keŋes bilıgınıŋ özı moiyndaǧan «Qazaq Respublikasy» atauyn qoldanu turaly mäselenı köterdı. Būl bastamany Ş.Uälihanov atyndaǧy tarih instituty da qoldady, bıraq bızdıŋ şeneunıkter ünsız qaldy. Sonda da bız tarihi bıregeilıgımızdı bıldıretın «Qazaq Respublikasy» memlekettık atauyn qaitarudy jön dep sanaimyz» dedı Azat Peruaşev.
Al «Qazaq Respublikasy» atanu «Aq jol» partiiasynyŋ tūtas sailaualdy baǧdarlamasy keşenınde aityldy. Onda partiia parlamentarizm instituttaryn küşeitudı jäne superprezidenttık jüieden parlamenttık respublikaǧa kezeŋ-kezeŋımen köşudı jaqtaidy. El atauynyŋ özgeruı respublika ışınde oŋ özgerıster, saiasi, äleumettık jäne ekonomikalyq reformalar jasaidy.
Esterıŋızde bolsa, 2014 jyldyŋ aqpan aiynda Elbasy Nūrsūltan Nazarbaev memleketımızdı «Qazaq elı» dep qaita ataudy ūsynǧan edı.