Aqtau qalasynda bokstan eresekter arasyndaǧy Qazaqstan chempionaty märesıne jettı. Būl el bırınşılıgınde qatysuşylar sany jönınen rekord jasaldy. Chempiondyq ataq üşın 300-ge juyq boksşy şarşy alaŋǧa köterıldı.
Bır aptaǧa jalǧasqan jarys qorytyndysynda Türkıstan oblysynyŋ qūramasy bırınşı orynnan körındı. Atap aitqanda, būl aimaqtyŋ bylǧary qolǧap şeberlerı 2 altyn, 3 kümıs jäne 2 qola medal aldy. Komandalyq ekınşı orynǧa Maŋǧystau oblysy (1-3-4) ie bolsa, üzdık üştıktı Jambyl oblysy (1-2-3) boksşylary tüiındedı.
Būl jarysqa ūlttyq qūramanyŋ boksşylary tügeldei derlık qatysty. Qazaqstan boks federasiiasynyŋ talaby sondai boldy. Sondyqtan da bırınşılıktegı bäseke de tartysty öttı. Däl jarys aldynda ūzaq jyldar el namysyn qorǧaǧan, ekı dürkın Olimpiada oiyndarynyŋ kümıs jüldegerı atanǧan Ädılbek Niiazymbetov pen belgılı boksşy Anton Pinchuk ülken sportpen qoştasqanyn jariialady.
Sonymen täjıribelı şeberlermen qatar jas daryndylar qolǧap tüiıstırgen bairaqty bırınşılıkte şyn jüirıkter top jardy deuge negız bar. Būl rette jastar arasynan jūlqynyp şyqqan aqmolalyq Orazbek Asylqūlov pen türkıstandyq Säken Bibosynovtyŋ önerı janküier qauymnyŋ esınde saqtalyp qalǧany sözsız. Köpşılıktıŋ kütkenı 69 kelıdegı Şymbergenov pen Jüsıpovtyŋ jekpe-jegı edı. Ekeuı de – ūlttyq qūramanyŋ negızgı boksşylary. Kütkendei Aslanbek pen Abylaihan finalda jolyqty. Öte tartysty aiqasta qaraǧandylyq Jüsıpov taza jeŋıske jettı. Ol belgılı qarsylasyn bır ret nokdaunǧa jıberıp te ülgerdı. Söitıp «qazaq salmaǧyndaǧy» qaqtyǧysta qaraǧandylyq boksşynyŋ baǧy jandy. Taǧy bır qosarymyz, osy chempionatta negızınen, būrynnan ūlttyq qūramanyŋ sapynda talai synǧa tüsken jıgıtter top jardy.
Sonymen 2018 jylǧy Qazaqstan chempiondary myna boksşylar altyn jüldeger atandy:
49 kelı – Temırtas Jüsıpov,
Aqmola oblysy
52 kelı – Änuar Mūzaparov,
Almaty oblysy
56 kelı – Qairat Eraliev,
Türkıstan oblysy
60 kelı – Zakir Safiullin,
Şymkent qalasy
64 kelı – Sanatälı Toltaev,
Maŋǧystau oblysy
69 kelı – Ablaihan Jüsıpov,
Qaraǧandy oblysy
75 kelı – Äbılhan Amanqūl,
Jambyl oblysy
81 kelı – Bek Nūrmaǧanbet,
Türkıstan oblysy
91 kelı – Vasilii Levit,
Astana qalasy
+91 kelı Qamşybek Qoŋqabaev,
Qyzylorda oblysy
