Qasym-Jomart Toqaev Iаdrolyq synaqtarǧa tolyq tyiym salu turaly şart ūiymynyŋ basşysy Robert Floidty qabyldady.
Memleket basşysy avstraliialyq mamandy Iаdrolyq synaqtarǧa tolyq tyiym salu turaly şart ūiymynyŋ Daiyndyq komissiiasynyŋ atqaruşy hatşysy bolyp sailanuymen qūttyqtap, atalǧan ūiymnyŋ jūmysy Qazaqstan üşın asa maŋyzdy ekenın atap öttı.
– Sız osy saladaǧy täjıribelı, iadrolyq qarusyzdanu mäselelerı boiynşa tanymal sarapşysyz. Bız sızdermen tyǧyz jūmys ısteuge beiıldımız. Qazaqstan būl ūiymnyŋ jaqyn ärı senımdı serıktesı bolyp qala beredı. Menıŋ Äkımşılıgım men Ükımet Ūiymnyŋ jūmysyn küşeitu maqsatymen tyǧyz ärı tūraqty bailanysyp tūrady, – dedı Prezident.
Qasym-Jomart Toqaev Robert Floidtyŋ Qazaqstanǧa sapary Halyqaralyq iadrolyq synaqtarǧa qarsy ıs-qimyl künı qarsaŋynda ötıp jatqanyn atap öttı. Osydan 30 jyl būryn Semei poligony jabylǧan bolatyn. BŪŪ Bas hatşysynyŋ orynbasary retınde Jenevadaǧy jūmysynyŋ täjıribesımen bölısken Memleket basşysy älemdık qauymdastyqqa iadrolyq qarudy taratpau jäne qarusyzdanu turaly keŋ auqymdy tüsındıru jūmystaryn jürgızu maŋyzdy dedı.
Robert Floid Memleket basşysynyŋ körsetken qūrmetıne rizaşylyǧyn bıldırdı.
– Ūiymnyŋ daiyndyq komissiiasynyŋ hatşysy bolyp sailanǧannan keiın men kezdesken alǧaşqy Memleket basşysy – Qazaqstannyŋ Prezidentı boluynyŋ simvoldyq mänı bar. Sondyqtan būl – men üşın erekşe kün, – dedı diplomat.
Robert Floid Semei poligonynyŋ aumaǧy men Kurchatovtaǧy QR Ūlttyq iadrolyq ortalyǧynan alǧan äserımen bölıstı. Sondai-aq jūmysynyŋ basym baǧyttary, sonyŋ ışınde jastar men ūiymnyŋ körnektı qairatkerlerınıŋ jūmystaryn ılgerıletu turaly aitty.
Kezdesu soŋynda taraptardyŋ Qazaqstannyŋ iadrolyq qaruǧa qarsy bastamalaryn ılgerıletu men Iаdrolyq synaqtarǧa jappai tyiym salu turaly şart boiynşa tyǧyz yntymaqtastyqqa daiyn ekenderı aityldy.
