Astanada «Konstitusiia: qūqyq üstemdıgınıŋ, azamattyq qoǧamnyŋ jäne qazırgı zamanǧy memlekettıŋ qūndylyqtaryn ıske asyru» atty halyqaralyq ǧylymi-praktikalyq konferensiia öttı. Oǧan qatysqan Memlekettık hatşy Gülşara Äbdıqalyqova Memleket basşysy Nūrsūltan Nazarbaevtyŋ qūttyqtau hatyn oqyp berdı.
Onda 1995 jyly qabyldanǧan Konstitusiia Qazaqstan memlekettılıgı damuynyŋ ırgetasyn qalaǧany, adam qūqyqtary men bostandyqtaryn bekemdegenı atap ötılgen.
– Qūqyq üstemdıgı, Konstitusiianyŋ biık märtebesı, zaŋ bilıgı – Qazaqstannyŋ bügıngı taŋdaǧy tabysty damuynyŋ jäne onyŋ zamanaui älemde laiyqty orynǧa ie boluynyŋ asa maŋyzdy mäselesı. Qazırgı Konstitusiianyŋ äleuetı Qazaqstannyŋ odan ärı damuyna jäne älemnıŋ ozyq damyǧan otyz elınıŋ qataryna kıruıne ūzaq jyldar qyzmet etetınıne kämıl senemın, – delıngen Qazaqstan Prezidentınıŋ qūttyqtauynda.
Parlament deputattary, ortalyq memlekettık organdardyŋ, Resei, Türkiia, Bolgariia, Latviia, Gruziia jäne basqa da elderdıŋ konstitusiialyq baqylau organdarynyŋ, sot jäne qūqyq qorǧau mekemelerınıŋ basşylary, halyqaralyq ūiymdardyŋ, Qazaqstannyŋ ǧylymi qauymdastyǧynyŋ ökılderı, sondai-aq taiau jäne alys şetelderdegı qūqyq salasynyŋ sarapşylary qatysqan alqaly jiynda Qazaqstannyŋ konstitusiialyq qūrylymyndaǧy Memleket basşysynyŋ asa maŋyzdy rölı atap ötılıp, «Törtınşı önerkäsıptık revoliusiia jaǧdaiyndaǧy damudyŋ jaŋa mümkındıkterı» atty Joldaudy jüzege asyru, sondai-aq Astananyŋ qalyptasu jäne damu mäselelerı talqylandy.
Elbasy N.Nazarbaev Qazaqstan Respublikasynyŋ Konstitusiiasy künıne arnalǧan halyqaralyq konferensiiaǧa qatysuşylarmen kezdestı.
