QAZAQSTAN KUBOGYN «ASTANA» ALDY
Būrnaǧy künı basketboldan Qazaqstan Kubogynyŋ iegerı belgılı boldy. Aqtyq synda «Astana» men «Atyrau barystary» komandalary kezdesıp, nätijesınde elordalyqtardyŋ mereiı üstem boldy.
Alǧaşqy ainalymnan-aq «Astananyŋ» aryny qatty ekenı aŋǧaryldy. Komandasyn aldymen alǧa şyǧarǧan Anton Ponomarev boldy. Bıraq būl eseptı «Barystar» artynşa teŋestırdı. Äitkenmen, ekpındı elordalyqtar oiynnyŋ bırınşı jartysynda qarsylastarynan 10 ūpai artyq boldy.
Esep – 8:18.
Ekınşı ainalymnyŋ 4-ınşı minutynda Rüstem Myrzaǧaliev komandasyna taǧy da 3 ūpai syilady. Atyraulyqtar da jauapsyz qalmady. Esep 24:33 bolyp eselendı.
Azdap tynyǧyp alǧannan keiın parketke qaita şyqqan basketbolşylardyŋ jeŋıs jolyndaǧy tartystary qyza tüstı. Üşınşı ainalym 38:47 esebımen aiaqtaldy.
Qorytyndy kezeŋde ekı jaq ta aianyp qalmady. Kubokqa bır qadam qalǧanda basyp ozuǧa baryn salǧan «Atyrau barystarynyŋ» ūmtylysyna qaramastan, elordalyqtar ekılene tüstı. Ūpai aiyrmaşylyǧyn 10-nan 20-ǧa deiın arttyryp tastady. Jalpy esep – 46:66. Osylaişa, alǧa äldeqaida ūzap ketken «Astana» jeŋıstı jūlyp aldy.
Bırınşılıktıŋ nätijesınde oiynşylardyŋ üzdık bestıgıne «Astana» sapynan üş basketbolşy endı. Olar – Rüstem Myrzaǧaliev, Rustam Erǧali jäne Anton Ponomarev.
Orynbek ÖTEMŪRAT