Mariia ÖTEBAEVA,
«Nūr Otan» partiiasynyŋ Nūr-Sūltan qalasyndaǧy
«Örkeniet» filialy töraǧasynyŋ bırınşı orynbasary:
BIZ DŪRYS TAŊDAU JASADYQ
– Respublikalyq diagnostikalyq ortalyqta eŋbek etıp jatqan 428 adam «Nur Otan» bastauyş partiia ūiymynyŋ müşesı bolyp tabylady. Būl qaladaǧy eŋ köp jäne eŋ belsendı ūiymdardyŋ bırı der edım. Bızdıŋ ūiym sailaualdy jäne sailau prosesterınıŋ barlyq negızgı kezeŋderıne tıkelei qatysqan bolatyn. Būl maŋyzdy oqiǧaǧa ärqaisymyz laiyqty üles qostyq dep oilaimyn. Aq halatty abzal jandar Qasym-Jomart Toqaevtyŋ senımdı ökılderınıŋ qatarynda bolyp, sailau kezınde partiiadan baqylauşylar retınde jäne öz dauystaryn «Sabaqtastyq, Ädıldık jäne Örleu» üşın berdı.
Dübırlı künderdıŋ taǧlymyn tūjyrymdaǧanda bız sailau nauqanynyŋ barlyq satylarynda belsendılık tanyttyq. «BIRGE» jalpyūlttyq aksiia şeŋberınde mandattar men ūsynystar jinaǧanda, därıgerlerdıŋ özı bas bolyp kandidatqa köp ūsynystar jıberdık. Qasym-Jomart Toqaevtyŋ sailaualdy baǧdarlamasynda äleumetke, densaulyq salasynyŋ damuyna basymdyq berılgen baǧyttardyŋ Prezidenttıŋ alǧaşqy qadamdarynan körınıs tapqany senımımızdı arttyrdy.
Būl jalǧasyn tapqan igı ısterdıŋ bır legı ǧana. Elımızdıŋ barlyq öŋırlerınde medisinalyq infraqūrylymnyŋ barlyq jetıstıkterı men Elbasynyŋ osy salaǧa erekşe nazar audaruymen tıkelei bailanysty ekenın atap ötkım keledı. Medisina salasyn damytu üşın industrialdy-arnaiy memlekettık baǧdarlamalar engızıldı. Biyl – «Densaulyq» baǧdarlamasynyŋ märege jetetın kezeŋı. Jäne de aldaǧy bes jyl ışınde, 2023 jylǧa deiın densaulyq saqtauǧa jūmsalatyn şyǧyndardy jalpy ışkı önımnıŋ 5 paiyzyna deiın arttyru josparlanuda. Būl tek qazaqstandyq medisinaǧa qajet sapaly damudyŋ jaŋa serpının bıldıredı.
Prezident sailauynda bızdıŋ kandidattyŋ jeŋıske jetkenı būl bızdıŋ de jeŋısımız dep oilaimyz.
Erbol IRGEBAI,
Nūr-Sūltan qalasy Oquşylar saraiynyŋ direktory:
HALYQ BELSENDILIK KÖRSETTI
– Menıŋ oiymşa, biylǧy Prezident sailauy öz deŋgeiınde öttı. Özım qatysqan №58 sailau uchaskesınde şeteldık baqylauşylar öte köp bolyp, jan-jaqtan 100-ge tarta adam jinaldy. Barlyq kandidattyŋ senımdı ökılderı de bıraz boldy. Bır baiqaǧanym, baqylauşylardyŋ jauapkerşılıgı joǧarylady. Būrynǧy sailaularda baqylauşylar oryndarynda otyrmai, şyǧyp ketıp jüretın edı. Būryndary olardyŋ tarapynan sailauǧa degen beiqamdyqty da baiqauşy edım. Al būl jolǧy nauqanǧa erekşe män berdı.
Dauysty sanau öte ülken jauapkerşılıkpen, aşyqtyqpen atqaryldy. Är kandidattyŋ jinaǧan dauysyn sanau kemınde ekı saǧat uaqytty aldy. Öz basym Prezidenttı taŋdau «Sailau turaly» zaŋnyŋ barlyq talaptaryna sai jürgızıldı dep oilaimyn.
Būl sailau barysynda qoǧamda sailauǧa degen közqarasy jaqsy jaǧyna özgergenı baiqaldy. Halyqtyŋ belsendılıgı öte joǧary boldy. Bıraq sailau mädenietınıŋ tömendıgı älı de bar. Mäselen, «mūnda dauys bere salaiyqşy» dep elordaǧa özge öŋırlerden kelgen adamdardy kördım. Olarǧa zaŋ boiynşa «bolmaidy» dep tüsındırseŋ, «onda tūrǧan ne bar?» deidı. Sonda tūrǧylyqty jerden esepten şyǧaru talonyn alyp, osyndaǧy sailau uchaskesınde tırkelu kerektıgın bılmeitın bop tūr ǧoi.
Jalpy sailau demokratiialyq deŋgeide öttı. Halyq dūrys taŋdau jasady dep esepteimın. Özım de Qasym-Jomart Toqaevqa dauys berdım. Bolaşaqqa elımızdıŋ ekınşı Prezidentımen attandyq. Jolymyz aşyq bolǧai!
Äsima BİMENDİNA, «Käsıpqor» holdingı» KEAQ basqarma töraǧasynyŋ orynbasary:
QŪRǦAQ ESEPTIŊ, JALPYLAMA SİFRLARDYŊ ZAMANY ÖTTI
– 9 mausymda elımızde bärımız üşın maŋyzy zor ıs-şara ötıp, halyq Prezidenttı sailady. Özım «Nūr Otan» partiiasynyŋ köp jyldan bergı müşesı retınde Qasym-Jomart Toqaevtyŋ senımdı ökılı boldym. Sailau nauqany barysynda köptegen mekemelerge baryp, halyqpen kezdestık. Partiianyŋ Nūr-Sūltan qalasyndaǧy filialynda sailauşylardy qabyldadyq.
Halyq Elbasy saiasatynyŋ, strategiiasynyŋ jalǧasuyn qalaidy eken. Qasym-Jomart Kemelūlynyŋ baǧdarlamasynda da eŋ negızgı baǧyt osy bolyp otyr. Älemnıŋ otyz damyǧan memleketınıŋ qataryna kırudı közdeitın josparymyz bar. Ol üşın älı de auqymdy jūmys atqaru kerekpız. Qasym-Jomart Toqaev inaugurasiia räsımınde köp sözın äleumettık salany damytuǧa arnady. Är qazaqstandyqtyŋ jaǧdaiy jaqsy bolsa, jūmysy bolsa, jalaqysyn uaqytynda alsa, eşnärsege alaŋdamai, balalaryn ösırıp, balabaqşa, mektepterge ornalastyrsa, jalpy elımızde osyǧan mümkındıkter jasalsa, almaityn asularymyz bolmaidy. Prezident te äleumettık problemalarǧa köp köŋıl bölıp, äleumettık saiasatty jaŋaşa jürgızu turaly aitty.
Biznes ökılderı qazır är memlekettıŋ tıregı bolyp otyr. Prezident käsıpkerlıktı qoldau jaily da äŋgıme örbıttı. Sebebı jaŋa jūmys oryndaryn aşu, halyqtyŋ äleumettık jaǧdaiyn köteru mäselesınde de käsıpkerlıktıŋ alatyn orny zor.
Qasym-Jomart Toqaev memlekettık organdardyŋ jūmysyna da köŋıl böldı. Aldaryna kelgen adamdardyŋ ısın sozbalaqtamai, tez şeşıp, keŋesterın berıp, mäselenıŋ şeşıluın qamtamasyz etudı tapsyrdy. Qūrǧaq eseptıŋ, jalpylama sifrlardyŋ zamany öttı. Naqty halyqtyŋ jaǧdaiy köterıluı tiıs. Memlekettık qyzmetkerler är adammen dialog ornatuǧa daiyn boluy kerek. Halyqtyŋ jaǧdaiyna nemqūraidylyqpen qaraudan aryluy qajet. «Būl mäselenı men şeşpeimın» dep adamdardy şyǧaryp saludy qoiu kerek. Memlekettık qyzmetkerler problemaǧa ıştei üŋıle bılıp, halyq mäselesınıŋ jauabyn naqty aluy tiıs. Al eger sūraǧyna jauap almasa, adamdar qaida barady? «Bır qūmalaq bır qaryn maidy şırıtedı» degen söz bar, bır qyzmetkerdıŋ naşar jūmysynan talai ärıptesterıne söz tiedı.
Qasym-Jomart Kemelūly osylar turaly söz qozǧap, bılım, medisina salalaryn damytu turaly da jaqsy äŋgımeler aityp, osyny endı bärımız jūmylyp, oryndai bıluımız kerek.
Aqyljan DÜISENǦALİŪLY,
L.Gumilev atyndaǧy Euraziia ūlttyq universitetı tarih fakultetınıŋ 2-kurs studentı, «Orator» debat klubynyŋ koordinatory:
ENJARLYQTYŊ AZAIǦANYN KÖRIP QUANDYM
– Biylǧy elımızdegı Prezident sailauy memleketımızdıŋ tarihynda eŋ tartysty ärı qyzu ötken sailau boldy der edım. Būǧan deiıngı uaqytta sailauǧa degen erekşe qyzyǧuşylyqty zamandastarym,
jora-joldastarym tarapynan onşa baiqai bermeitınmın. Al būl joly 18 jastaǧy jasöspırımderge deiın būl şaraǧa barynşa atsalysyp, özderınıŋ bolaşaǧy üşın taŋdau jasauda belsendılık tanytty. Men būdan öte dūrys özgerıstı köremın. «Menıŋ būl oqiǧaǧa qatysym qanşa?», «Men bärıbır eşteŋe şeşpeimın» degen sekıldı enjar közqarastardyŋ qazırgı taŋda azaiǧanyn ūqtym jäne soǧan quandym.
Bız ädette Batystan ülgı aluǧa tyrysamyz. Onyŋ jaqsy jaqtaryn özımızge «jūqtyrǧymyz» keledı. Sondai qasietterdıŋ bırı – olardyŋ kez kelgen närsege entuziazmmen qaraityny. Tıptı, ūsaq-tüiek mäselelerge deiın «mūnyŋ maǧan qatysy joq» dep ysyryp qoimai, kärısı bar, jasy bar, soŋyn zerttep, bır nätijege jetuge tyrysyp jüredı. Al sailau taqyryby bükıl tūrǧynnyŋ bolaşaǧy üşın eŋ eleulı jaittardyŋ bırı emes pe?! Bügın sailauda dauys beruden tysqary qalǧannyŋ erteŋıne «anau ūnamaidy, mynau jaman» dep jylamsyrauyna eş negız joq dep oilaimyn.
