Qazaqstan Respublikasy Prezidentınıŋ jüldesı üşın 10-14 qyrküiek aralyǧynda Öskemen qalasynda ötken V Halyq sport türlerı oiyndarynan Astana qūramasy jüldelı oraldy. Atap aitqanda, elorda sportşylary üş kümıs jülde ielenıp, jalpy komandalyq esepte üşınşı oryn aldy.

Astana qalasynyŋ Tılderdı damytu basqarmasy Qazaqstan halqy tılderınıŋ HVI qalalyq festivalı aiasynda 16 qyrküiek künı saǧat 16.00-de «Studenttık» saiabaqta «Kemel tıldıŋ keleşegı» jastar aksiiasyn ötkızedı. Atalǧan aksiia barysynda joǧary oqu oryndarynyŋ studentterı fleş-mob ūsynady. Marjan Arapbaeva, İbragim Eskendırov, Jaŋabai Ötegenov jäne «Ūmai» toby än şyrqaidy, «Art-dombyra» aspaptyq triosy, KTK (KVN) chempiondary «Demeuşımız – Bolaşaq» komandasy öner körsetedı. Jastar keşın şoumen Nūrbolhan Şarapov jürgızedı.