Qalalyq Dostyq üiınde Qazaqstan halqy assambleiasynyŋ ūiymdastyruymen «Qazaqtanu – el bırlıgınıŋ negızı» atty respublikalyq ǧylymi-täjıribelık konferensiia öttı.
Qala äkımınıŋ orynbasary Bahtiiar Mäken «Qazaqtanu» jobasynyŋ basty mındetterınıŋ bırı – jalpy mädeni kod, bıryŋǧai qūndylyqtar jäne barlyq qazaqstandyqtardyŋ etnikalyq qatystylyǧyna qaramastan tarihi sana negızınde halyq bırlıgın nyǧaitu ekenın atap öttı. «Jobanyŋ taǧy bır mındetı – özara ıs-qimyl salasyn keŋeitu jäne etnostar kommunikasiiasynyŋ jaŋa arnalaryn jandandyru, ortaq tarihymyz negızınde bırlıktı nyǧaitu» dedı ol.
Konferensiiada qazaqtyŋ ūly oişyly Abai Qūnanbaiūlynyŋ 175 jyldyǧyna arnap Abai şyǧarmalaryn oryndau boiynşa chellendj ötkızıldı. Elordalyq etnomädeni bırlestıkter «Közımnıŋ qarasy» änın şyrqaǧan soŋ, estafetany Almaty qalasy Qazaqstan halqy assambleiasyna tapsyrdy.
Respublikalyq ǧylymi-praktikalyq konferensiianyŋ qorytyndysy boiynşa qarar qabyldandy. Is-şaraǧa qatysuşylar Elbasynyŋ «Qazaqtanu» QHA jobasy negızınde JOO-da «Qazaqtanu» pänın engızu, QHA mektepterı men etnolingvistikalyq ortalyqtarynda üiırmeler aşu, etnostardy Qazaq qolönerı men käsıpşılıkterıne oqytu boiynşa Dostyq üilerı janyndaǧy şeberlık-synyptar men kurstar turaly ūsynystar engızdı.
Konferensiiaǧa Qazaqstan halqy assambleiasy töraǧasynyŋ orynbasary – QHA hatşylyǧynyŋ meŋgeruşısı Janseiıt Tüimebaev, sondai-aq Parlament Mäjılısı töraǧasynyŋ orynbasary Vladimir Bojko, körnektı memleket jäne qoǧam qairatkerlerı, QR Parlamentı Mäjılısınıŋ deputattary, şyǧarmaşyl ziialy qauym, elordalyq etnomädeni bırlestıkter, QHA jastar qanaty, ükımettık emes ūiymdar ökılderı qatysty.
