QAZAQTILDI ÜZDIK SAITTAR ANYQTALDY
Memlekettık tıldı damytu qory qazaqtıldı saittardyŋ ūlttyq bäigesınıŋ qortyndysyn şyǧardy.
Jeŋımpazdar 5 atalym boiynşa anyqtaldy. «Ötkır tıl» atalymy boiynşa memlekettık tıl men ūlttyq qūndylyqtardy nasihattauşy üzdık sait bolyp www.ult.kz aqparattyq portaly taŋdaldy. «Ruhani azyq» atalymy boiynşa üzdık bolyp ädebiet pen mädeniettı nasihattauşy www.massagan.com internet-saity daralandy. «Tereŋ ızdenıs» atalymy boiynşa tarihymyzdy nasihattauşy www.abay.kz saity üzdıkter qataryna ılındı. Al «Şynaiy ömır» atalymy boiynşa qoǧamdaǧy özektı mäselelerdı köteretın www.minber.kz jäne «Sport tynysy» nominasiiasynda sport jäne salauatty ömır saltyn nasihattauşy www.alasharena.kz saity biıkten körındı.
Şaraǧa qor qamqorşylar keŋesınıŋ müşesı, QR Parlamentı Mäjılısınıŋ deputaty Nūrtai Sabilianov, «Euraziia bırınşı arnasy» bas direktorynyŋ bırınşı orynbasary Mūhtar Erman, Qordyŋ Saraptamalyq keŋesınıŋ müşesı, jazuşy, jurnalist Bolat Jünısbekov, belgılı telejürgızuşı Iýliia Kuşnareva jäne Memlekettık tıldı damytu qorynyŋ direktory Azat Şaueev törelık ettı.
Baiqau jeŋımpazdarynyŋ ärqaisysy bas demeuşı «Samūryq qazyna» AQ-nyŋ 150 000(jüz elu myŋ) teŋge kölemındegı aqşalai syilyǧymen, ärbır atalym boiynşa äzırlegen statuetkamen jäne Memlekettık tıldı damytu qorynyŋ arnaiy diplomymen marapattaldy.
Ūiymdastyruşylardyŋ aituynşa, atalmyş şara būdan bylai är jyl saiyn dästürlı türde ötkızılmek.
Äigerım BALǦABAEVA