Qoǧam nazaryn audardy
Elordada qarttar men mümkındıgı şekteulı jandarǧa arnalǧan qaiyrymdylyq şara öttı.
Şaranyŋ maqsaty – osy sanattaǧy azamattar mäselesıne qoǧam nazaryn audartu, sondai-aq olardyŋ ömır süru sapasyn jaqsartu. Barlyq sanitarlyq talaptardy saqtai otyryp ötken aksiiaǧa 50-den asa adam qatysty.
– Erekşe adamdarǧa airyqşa kütım qajet. Bız üşın kez kelgen nauqas qymbat. Mümkındıgı şekteulı jandar üşın mamandardyŋ üiden tekserulerın ünemı ūiymdastyramyz, kömekşı qyzmetkerler mümkındıgı şekteulı qarttardy medisinalyq mekemelerge alyp baryp, üilerıne jetkızıp salady, – deidı «Salauatty Astana» JŞS filialynyŋ jetekşısı Almagül Bazarova.
Aksiia aiasynda qarttar men mümkındıgı şekteulı jandar medisinalyq tekseruden ötıp, bılıktı därıgerlerdıŋ keŋesın aldy. Sonymen bırge qariialarǧa azyq-tülık taratyldy.