«Nur Otan» partiiasy qalalyq filialynyŋ «Erkın pıkır» pıkırtalas alaŋynda elordanyŋ qoǧamdyq kölıkterınıŋ qyzmetı talqylandy
Pıkırtalas alaŋynda alǧaş bolyp söz alǧan Kölık jäne jol-kölık infraqūrylymyn damytu basqarmasynyŋ bölım basşysy Bauyrjan Taibergenov jolauşylar tasymaldau qalaışılık marşruttar, qalaaralyq marşruttar jäne ekspress qyzmetı bolyp jürgızıletının aitty. Qalada 8 avtoparkke tiesılı (onyŋ bırı memlekettık) 880 avtobustyŋ kem degende 90 paiyzy kündelıktı reiske şyǧady. Jaqyn jyldary jaŋadan 100 elektrobus satyp alu qajettılıgı bar ekenın jetkızdı.
Bıraq qala jūrtşylyǧy tek qana avtobus jetıspeuşılıgıne ǧana emes, tasymaldy ūiymdastyru ısınde kezdesetın basqa da keibır keleŋsızdıkterıne narazy. Onyŋ ışınde avtobustardyŋ köp keşeuıldeitını, jürgızuşılerdıŋ adammen qarym-qatynastaǧy mädenietı, jolda jüru erejesın jiı būzatyndyǧy, t.b köptegen mäseleler söz boldy. Qoǧamdyq kölıkterdıŋ töŋıregınde bolyp jatqan türlı problemalar turaly «Astana LRT» JŞS töraǧasynyŋ orynbasary Bauyrjan Seiıtov jauap berdı. Ol byltyr tariftı ärtaraptandyru boiynşa jürgızılgen reformanyŋ oŋ nätije berıp, avtoparkterdıŋ tabysy artqanyn, jergılıktı biudjetke tüsetın salyq mölşerınıŋ köbeigenın atap öttı. Sondai-aq jolauşylardyŋ Astra kartalaryn tek arnaiy bankomattarda ǧana emes, telefondaǧy bank qosymşasy arqyly toltyruǧa da bolatyndyǧy – osy tölem jüiesınıŋ qolaily ekendıgın däleldedı.
Qys – qyr astynda demekşı, jiyn barysynda jyly aialdamalar turaly da söz boldy. Astana boiynşa 1100 aialdama bolsa, onyŋ 730-ynda pavilon bar. Qala ışınde bügınge deiın 100 jyly aialdama ornatylǧan. Jyl soŋyna deiın taǧy osyndai 30 aialdama ornatu josparlanǧan.
Pıkırtalas qorytyndysy boiynşa özektı mäseleler partiialyq baqylau komissiiasyna jäne onyŋ elordalyq filialynyŋ sybailas jemqorlyqqa qarsy ıs-qimyl jönındegı Qoǧamdyq keŋesıne, sondai-aq qalalyq mäslihattyŋ «Nur Otan» partiiasynyŋ fraksiiasyna jıberıletın bolady.
