Elorda äkımı Altai Kölgınov «Nur Otan» partiiasynyŋ qoǧamdyq qabyldauynda azamattardy jeke qabyldady.
Osy jyldyŋ tamyz aiynda ötken Nur Otan partiiasy Saiasi keŋesınıŋ keŋeitılgen otyrysynda Elbasy halyqpen özara ıs-qimyldy küşeitudı, atap aitqanda, partiianyŋ qoǧamdyq qabyldau bölmelerınıŋ jūmysyn jandandyrudy tapsyrdy. Memleket basşysy Qasym-Jomart Toqaev «qoǧammen bailanysty nyǧaityp, halyqqa esep berıŋder» dep tapsyrma berdı. Osy rette elorda äkımı qala tūrǧyndarynyŋ ötınışterın, mūŋ-mūqtajyn tyŋdap, öz tarapynan tiısınşe jauaptaryn berdı. Tūrǧyndar, negızınen, medisinalyq kömek alu, tūrǧyn üi baǧdarlamalaryna qatysu, qysqy kezeŋde kömırmen qamtamasyz etu, jūmysqa ornalasu jäne basqa da mäseleler boiynşa ötınışterın bıldırdı.
Jalpy qala basşysy ötken üş ai ışınde 450-den asa adamdy jeke qabyldady. Sondai-aq azamattardy qabyldau audandyq äkımdıkterde jäne «Janūia» otbasy institutyn qoldau ortalyǧynda da ötude. Är ötınış boiynşa derbes jūmys jürgızılude. Mäselen, ötınış bıldırgenderdıŋ bır bölıgı mamandyq aluǧa oqytudan ötse, balabaqşalarǧa joldama alu, medisinalyq kömek körsetu, tūrǧyn üi aluǧa kezekke tūru jäne basqa da mäseleler şeşımın tapty.
