Keşe ötken Astana qalasy mäslihatynyŋ Biudjet, ekonomika, käsıpkerlık jäne önerkäsıp mäselelerı jönındegı tūraqty komissiia otyrysynda qalada «Jol kartasy-2020» biznestı qoldau jäne damytudyŋ bıryŋǧai baǧdarlamasynyŋ barysy qaraldy. Kün tärtıbıne şyǧarylǧan mäsele boiynşa qalalyq käsıpkerlık jäne önerkäsıp basqarmasynyŋ basşysy Ryskül Qauǧabaeva baiandama jasady.
Onyŋ aituynşa, 2010 jyldan berı atalmyş baǧdarlama şeŋberınde elordada 733 jobaǧa qoldau berılıp, 8 myŋnan astam jūmys oryndary saqtaldy. Al jaŋadan qūrylǧan jūmys oryndarynyŋ sany – 5,3 myŋ. 19 mlrd teŋgeden astam salyq tölendı. Naqtyraq toqtalsaq, qonaq üi biznesı sektorynda 40-tan asa joba, qaita öŋdeu önerkäsıbınde 150-den astam joba maqūldandy.
Baiandamaşy jetkızgen bır jaŋalyq, elordada jyl soŋyna deiın käsıpkerlerge qyzmet körsetudıŋ taǧy bır ortalyǧyn aşu josparlanuda. «Qazırgı ortalyq oŋ jaǧalauda ornalasqandyqtan, kelesısın «Atameken» käsıpkerler palatasymen bırıgıp, sol jaǧalauda aşpaqpyz. Ǧimaratty anyqtadyq. Jyl soŋyna deiın ıske qosqaly otyrmyz» deidı basqarma basşysy.
Amanǧali QALJANOV
