«Qoljetımdı ortalyq» qaisy?
Osyny anyqtau maqsatynda ötıp jatqan Şara aiasynda qala tūrǧyndary özderıne qajet anyqtamalardy ırı oiyn-sauyq ortalyqtarynda, bazarlarda, emhanalarda jäne sauda oryndarynda, keŋseler men mekemelerde ala alady.
Endı HQO-nyŋ qyzmetkerlerı adamdar köp jinalatyn jerlerge baryp qyzmet körsetetın bolady. Keşe osyndai mümkındık «MegaSilkWay» sauda-oiyn-sauyq ortalyǧynyŋ keluşılerı men qyzmetkerlerıne ūsynyldy.
«Prezident biylǧy Joldauynda bırınşı kezekte sifrlandyru mındetın qoiǧan bolatyn. Halyq elektrondyq ükımet arqyly qyzmet aludyŋ yŋǧaily ärı tiımdı ekenın tüsınuı qajet. «Astana – adaldyq alaŋy» jobasyn jüzege asyru aiasynda bız 8 aqpannan bastap osyndai ülken ıstı qolǧa aldyq. Iаǧni HQO-nyŋ qyzmetkerlerı ırı sauda oryndaryna, keŋselerge baryp, sol jerde adamdarǧa türlı anyqtamalardy alu jolyn, e.gov portalyn qoldanu joldaryn tüsındırıp, körsetıp, üiretedı» deidı «Astana – adaldyq alaŋy» jobasynyŋ jetekşısı J.Jylqyşieva.
Qazırgı kezde osy şara aiasynda elektrondyq-sifrlyq qoltaŋba jäne türlı qyzmet türlerın 5 myŋnan astam qala tūrǧyny aldy. HQO qyzmetkerlerı bolaşaqta mektepterdı aralaudy josparlauda. Şara bırınşı jartyjyldyqtyŋ soŋyna deiın jalǧasady.
«Aqşam-aqparat»