QOMAQTY QARJY BÖLINDI
«Nūr Otan» partiiasy Saiasi keŋesınıŋ keŋeitılgen otyrysynda Prezident Nūrsūltan Nazarbaev «Nūrly jol» memlekettıŋ jaŋa saiasi baǧytyn jariia ettı. Memleket basşysy Jaŋa ekonomikalyq saiasattyŋ özegı bes jylǧa arnalǧan infraqūrylymdyq damu jospary bolatynyn atap öttı.
«Men özımnıŋ täjıribemnen aldyn ala sezıp otyrǧanymdai, taiaudaǧy jyldar jahandyq synaqtardyŋ uaqyty bolady. Älemnıŋ bükıl arhitekturasy özgeredı. Barlyq elder osy kürdelı kezeŋnen laiyqty öte almaidy. Būl şepten tek myqty memleketter, jūdyryqtai jūmylǧan halyqtar ǧana ötetın bolady» dedı Elbasy.
Memleket basşysynyŋ aituynşa, aqpan aiynda Ūlttyq qordan ekonomikalyq ösım men jūmyspen qamtudy qoldau üşın 2014-2015 jyldarǧa 500 milliard teŋgeden ekı tranş boiynşa 1 trillion teŋge bölu turaly şeşım qabyldanǧan. Bastalǧan jobalardy aiaqtau jäne asa ötkır mäselelerdı şeşu üşın Prezident Ükımetke Ūlttyq qordan 500 milliard teŋge kölemındegı ekınşı tranş qarjysyn belgılı bır maqsattarǧa, atap aitqanda, «EKSPO-2017» keşenın saludy qosymşa qarjylandyruǧa baǧyttaudy tapsyrdy. Būǧan deiın bölıngen 25 milliardqa «EKSPO-2017» keşenı qūrylysyn jalǧastyrudy nesieleu üşın 2015 jyly qosymşa 40 milliard teŋge bölınedı.