Elordada jasyl jelekterdı otyrǧyzu, kütıp ūstau jäne qorǧau jönındegı ıs-şaralardyŋ jüzege asyrylu tiımdılıgı tömen. Sondai-aq ekonomikalyq tūraqtylyq pen tötenşe jaǧdai rejimın qamtamasyz etu üşın daǧdarysqa qarsy şaralar şeŋberınde biudjet qarajatyn tiımdı paidalanuda da qatelıkter bar. Osy baǧytta jürgızılgen memlekettık audit qorytyndysy boiynşa Nūr-Sūltan qalasynyŋ Qorşaǧan ortany qorǧau jäne tabiǧatty paidalanu basqarmasynyŋ qyzmetınde jüielı kemşılıkter anyqtaldy.
Atalǧan basqarma qalany kögaldandyru ısınde jasyl jelekterdı kütıp ūstau qaǧidalaryn jüielı türde būzyp, kögaldandyrylǧan aumaqtardy damytudy dendrologiialyq josparsyz ıske asyrǧan jäne jasyl jelekterdıŋ tızılımın jürgızbegen. Būl turaly memlekettık audittı jürgızgen Nūr-Sūltan qalasy boiynşa Tekseru komissiiasy mälımdedı. Joǧaryda aitylǧan qūjattardyŋ bolmauynan 2 898 612,5 teŋge kölemınde biudjet qarajaty tiımsız josparlanǧan. Jasyl jelekterdıŋ tızılımın jürgızbeu, sondai-aq olardyŋ sany, türlerı, jai-küiı jäne basqa da sipattamalary boiynşa naqty aqparattardyŋ bolmauy kögaldandyruǧa bailanysty operasiialardy körsetu kezınde buhgalterlık esepte 7 797 998,2 teŋgege deiın auytqularǧa alyp keldı.
– Qalany kögaldandyru jūmystary agrotehnikalyq şaralar men fitosanitarlyq tekserulerdı saqtamai jürgızıledı. Sondai kemşılıkterdıŋ bırı jalpy somasy 20 610,5 teŋgege köpjyldyq jasyl jelekter türındegı memlekettık aktivterdı tiımdı paidalanbau bolyp otyr. Kögaldandyru jūmystarynyŋ basym bölıgı joiylǧan jasyl jelekterdıŋ ornyna ötem retındegı aǧaş otyrǧyzu arqyly jüzege asyrylady. Būl rette de tiıstı deŋgeide baqylau men josparlau joq. Sonyŋ saldarynan 9 708 jasyl jelek ötem retınde otyrǧyzylmaǧan. Odan basqa, jalpy sany 41 642 tüp aǧaş, 9 576 tüp būta, sondai-aq 12155 quma metr şarbaq tamyr jaimai, keuıp qalǧan, sodan keiın olardy qaita otyrǧyzu jūmystary jürgızılmegen jäne ekı jyl ışınde tiıstı kütım jasalmaǧan, – deidı Tekseru komissiiasynyŋ müşesı Egor Lebo.
Ekonomikalyq tūraqtylyqty jäne tötenşe jaǧdai rejimın qamtamasyz etu üşın daǧdarysqa qarsy şaralardy ıske asyru jospary boiynşa jūmys oryndaryn qūruda kemşılıkter bolǧan. Biyl 1 tamyzdaǧy jaǧdai boiynşa mälımetterge säikes jaŋadan qūrylǧan jūmys oryndarynyŋ naqty sany – 426, al ol jospar boiynşa 863 bolu kerek. Onyŋ ışınde halyqty jūmyspen qamtu ortalyǧy arqyly jūmysqa ornalastyrylǧandar – 138, öz betınşe jūmysqa ornalastyrylǧandar – 288 adam.
Audit qorytyndysynda jalpy somasy 7911 144,9 teŋgege qarjylyq būzuşylyqtar anyqtalyp, biudjet qarajatyn tiımsız josparlau somasy 3 075 174,9 teŋgenı qūrady. Sonymen qatar 22 jüielık jäne 93 räsımdık būzuşylyq tırkeldı. Jekelegen faktıler boiynşa materialdar äkımşılık ıs jürgızudı qozǧau üşın uäkılettı organdarǧa, 1 faktı boiynşa prosessualdyq şeşım qabyldau üşın Nūr-Sūltan qalasynyŋ prokuraturasyna jıberıldı. Anyqtalǧan kemşılıkterdı joiu üşın Tekseru komissiiasy tapsyrmalar men ūsynymdar äzırlep, audit obektılerıne joldady.
