Elordalyq sportşylar Dinara Säduaqasova men Meruert Kamalidenova äielder arasyndaǧy şahmattan komandalyq älem chempionatynda ekı qola medal jeŋıp aldy.
İspaniianyŋ Sitjes qalasynda şahmattan äielder arasynda komandalyq älem chempionaty öttı. Jarysqa älemnıŋ 12 elınen üzdık şahmatşylar qatysty. Halyqaralyq grossmeister Dinara Säduaqasova ekınşı taqtada oinap, jeke esepte qola jüldenı jeŋıp aldy. Ol tūraqty ärı sättı oiyn körsettı. Jeke esepte 16 jastaǧy şahmatşy, halyqaralyq şeber Meruert Kamalidenova ekınşı orynǧa ie boldy. Üşınşı taqtada oinaǧan elordalyq sportşy Ündıstan men Ukraina komandalaryna qarsy oiynda jaqsy nätije körsettı.
Komandalyq esepte el qūramasy üzdık törttıkke şyqty. Bırınşılıktıŋ jeŋımpazdary reseilıkter boldy. Ündıstan qūramasy ekınşı oryndy iemdendı. Üşınşı oryndy Ukraina men Gruziiadan kelgen şahmatşylar özara bölıstı.
