Aqtau qalasynda ötken dziudodan el chempionatynda Nūr-Sūltan qalasy qūramasynyŋ qos baluany jeŋımpaz atandy.
Äielder bäsekesınde 48 kelıge deiıngı salmaqta beldesken Aqmaral Nauatbek finalda Ǧaliia Tynbaevany jeŋıp, Qazaqstan chempiony atandy. Al 81 kelı salmaǧynda Mädi Amangeldı aqtyq saiysta Abylaihan Jūmanazardy (Qyzylorda oblysy) ūpai boiynşa jeŋdı.
– Jarys joǧary deŋgeide öttı. Karantinge bailanysty jarystar ötpegen soŋ, balalarǧa taktikalyq tūrǧydan qiyn boldy. Bıraq sportşylarymyz josparlaǧanymyzdai, ekı altynǧa qol jetkızdı. Nūr-Sūltan qalasynyŋ qūramasy jalpy komandalyq esepte besınşı orynǧa ie boldy, – deidı dziudodan Nūr-Sūltan qalasy qūramasynyŋ aǧa jattyqtyruşysy Meiırlan Baimahanbetov.
Jarysqa 14 oblystan, Almaty, Nūr-Sūltan jäne Şymkent qalalarynan barlyǧy 273 dziudoşy qatysqanyn aita keteiık.
