Qos taraptan qoldau
Astana qalasynyŋ äkımı Baqyt Sūltanov Halyqaralyq paralimpiialyq komitettıŋ prezidentı Endriu Parsonspen kezdestı.
Kezdesu barysynda Baqyt Sūltanov elorda äkımdıgı men QR Ūlttyq paralimpiialyq komitetınıŋ bırlesken küşımen Astanada mügedektıgı bar jandardyŋ sportpen şūǧyldanuyna mümkındık beretın zamanaui paralimpiialyq jattyǧu ortalyǧynyŋ aşylǧanyn atap öttı.
– Qazırgı taŋda Astanada mümkındıgı şekteulı jandardy qoldauǧa baǧyttalǧan baǧdarlama jüzege asyrylyp jatyr. Sonymen qatar paralimpiialyq sport – ömırdıŋ qiyndyqtaryna qaramastan, adamnyŋ el damuyna özınıŋ sübelı üles qosa alatyndyǧyn däleldeudıŋ eŋ tiımdı täsılı. Mümkındıgı şekteulı jandar qatysatyn halyqaralyq jarystarda Qazaqstannyŋ tuy biıkke köterılgende boidy bileitın maqtanyştan artyq sezım joq şyǧar, – dedı qala äkımı.
Qazaqstanda paralimpiialyq sport türlerınıŋ damuyna memlekettık mekemelerdıŋ qoldau körsetuın joǧary baǧalaǧan Endriu Parsons:
– Astanadaǧy türlı sporttyq ortalyqtardyŋ jūmysyna, paralimpiialyq jattyǧu ortalyǧynyŋ jūmysyna täntı boldym. Sport keşenderınde mümkındıgı şekteulı jandarǧa barlyq jaǧdai jasalypty, – dedı.
Sondai-aq taraptar jazǧa qarai Astanada parapauerliftingten älem chempionatyn ötkızu mäselesın talqylady.