Qosymşa 59 uchaske aşyldy
Elordada jaŋadan 59 sailau uchaskesı aşyldy. Būl turaly QR Prezidentınıŋ kezekten tys sailauyna daiyndyq barysy turaly ötken jinalysta Astana qalasy sailau komissiiasynyŋ töraǧasy Baqyt Bektemısova mälımdedı
– Bas qalada 407 sailau uchaskesı bar. Onyŋ 68-ı Qazaqstannyŋ şeteldegı ökıldıkterınıŋ janynda ornalasqan. Astanada halyq sanynyŋ köp boluyna bailanysty 59 jaŋa sailau uchaskesı aşyldy. Uchaskelerde köp özgerıs bar. Sondyqtan bız halyqqa qaita-qaita habarlap, aityp jatyrmyz. Tūrǧyndar servistık qyzmettı paidalanyp, ne bolmasa 109 call-ortalyǧyna telefon şalyp, özınıŋ sailau uchaskesın aldyn ala bılıp alsa degen ötınış bıldırıp jatyrmyz. 20 qaraşada uchaskege 768 myŋnan astam sailauşy keledı dep kütudemız, – dedı Astana qalasy aumaqtyq sailau komissiiasynyŋ töraiymy Baqyt Bektemısova.
Sonymen qatar Baqyt Bektemısova tūrǧylyqty mekenjaiy boiynşa älı tırkelmegen astanalyqtar da sailauǧa qatysa alatynyn jetkızdı. Ol üşın bır rettık tırkeuden ötu kerek. Elordadaǧy 23 sailau uchaskesınde osyndai servis ıske qosylǧan. Qala tūrǧyndary sol jerde tırkeu turaly ötınış qaldyruǧa tiıs.
Atalǧan jinalysqa qala äkımınıŋ orynbasary Eset Baiken, Ortalyq sailau komissiiasynyŋ müşelerı, jergılıktı atqaruşy organdar, sot, prokuratura jäne kandidattardyŋ ştabtary men senımdı ökılderı qatysty.