– Halyqaralyq baiqauşy retınde men Qazaqstanda ötken Prezident sailauyna qatystym. Būl rette bız aldymen, Astanadaǧy 11 sailau uchaskesıne bardyq. Onda eşbır zaŋ būzuşylyq ne tärtıp būzuşylyq tırkelmedı. Sailauşylar öz taŋdaularyn aşyq türde jasady. Mūnda olardyŋ eş kedergısız dauys beruıne barlyq jaǧdai jasalypty. Komissiia müşelerı sailauǧa keluşılermen öte sypaiy söilestı.
Odan keiın bız bas qaladaǧy Ūlttyq muzeide, mektepterde jäne basqa da oryndarda boldyq. Barlyq jerde sailau komissiialary müşelerınıŋ käsıbilıgı sezıldı.
Sailau kezınde astanalyqtardyŋ köterıŋkı köŋıl-küiıne kuä boldym. Būl rette qala tūrǧyndarynyŋ sailaudaǧy belsendılıgı men elordalyq sailau komissiialarynyŋ üilesımdı jūmysyn atap ötkım keledı.
Qazaqstanda ötken Prezident sailauyna riza bolǧanymdy moiyndaimyn. Sailau kezınde demokratiialyq taŋdau talaptary tolyq saqtaldy dep aita alamyn. Sailau prosesınde halyqaralyq qaǧidalarǧa basymdyq berıldı. Halyqtyŋ belsendılıgı öte joǧary boldy. Būl eldıŋ bolaşaqqa degen ūmtylysyn körsetedı.
Jalpy sailau oidaǧydai öttı. Adamdar sailau uchaskelerıne merekelık ruhpen kırıp, öz bolaşaǧy üşın quana dauys berıp jatty. Barlyq qazaqstandyqtarǧa densaulyq pen tabys tıleimın.
Aleksandra PERMİNOVA,
Resei Ǧylym Akademiiasynyŋ Qytai jäne qazırgı Aziia institutynyŋ ǧylymi qyzmetkerı
