– Qazaqstan Respublikasy Prezidentınıŋ kezekten tys sailauy ötkenge deiın ügıt-nasihat jūmystary jürgızılgende, eŋ äuelı halqymyz ben elımızdıŋ auyzbırşılıgı baiqaldy. Ärine, būl quantarlyq jait. Halyq Qasym-Jomart Toqaevty jäne onyŋ bastamalaryn, reformalaryn, oilaryn qoldaityndyqtan, ärı oǧan sengendıkten elımızdıŋ är öŋırınde auyzbırşılıgımen erekşelenıp tūrdy. Qoǧamnyŋ tūtastyǧy bolmasa, jasandy türde jasalǧan jūmystyŋ qūny joq. Bırlık bolmaǧan jerde eşqandai saiasat jürmeidı. Halqymyz Prezidentke taŋdau jasaǧanda, jai ǧana jeke tūlǧaǧa dauys bergen joq. Memleket basşysynyŋ atqarǧan jūmysy bırınşı kezekte tūrdy. Köpşılık Ädılettı Qazaqstandy, özgerısterdı taŋdady dep oilaimyn. Äsırese jastardyŋ saiasi sanasy ösken, belsendılıgı de joǧary. Jas adamnyŋ saǧyn syndyratyn – ädıletsızdık bolǧan jerde keiıngı ūrpaq eş baǧdarlamaǧa, eş reformaǧa senbeidı. Sol sebepten de olar ädılettılıkke dauys berdı. Qazırgı kürdelı geosaiasi jaǧdaida halyqaralyq kezdesuler ötkızıp, diplomatiialyq köregendıgın körsetıp jürgen Prezidenttıŋ sarabdal saiasatker ekenı sözsız. Halyq ta täjıribesı bar basşynyŋ qajettılıgın moiyndady. Soŋǧy 3 jylda Qazaqstannyŋ saiasi qūrylymyn jan-jaqty reformalaudyŋ bastamasy bolǧan negızgı şeşımder tez arada qabyldandy. Oblystardyŋ şekarasy aiqyndalyp, infraqūrylymy damydy. Bügıngı taŋda Q.Toqaevtyŋ diplomatiiasy men intellektualdylyǧy bızge qiyn kezeŋde kelıssözder jürgızuge jäne tiımdı jūmys ısteuge mümkındık beredı. Alǧaşqy jyldary jürgızılgen jūmystar keler jyldary da nätijesın körsetedı.
Jas azamat retınde öz basym ūsynylyp otyrǧan reformalardyŋ qai-qaisysy da jastarǧa da äser etedı dep bılemın. Jastar üşın saiasi tūraqtylyq, bılım aluǧa, jūmys ısteuge teŋ mümkınşılık qajet. Būl jolda jastardyŋ da ülesı boluy maŋyzdy. Ädıldıktı ūiysqan qoǧam ǧana ornatady.
Oljas SÜLEIMENOV, «Qazaqstan Team» respublikalyq jastar
qoǧamdyq bırlestıgınıŋ jetekşısı
