Astana qalasynyŋ mäslihatynda 2018-2020 jyldarǧa arnalǧan qalalyq biudjet jobasy talqylanyp jatyr. Tūraqty komissiianyŋ mäjılısınde zaŋdylyq, qūqyq tärtıbı jäne qoǧammen jūmys jasau mäselelerıne köŋıl bölınıp, sol salalarǧa bölınetın üş jyldyq memlekettık qarjy jaiy saraptaldy.
Qalalyq Işkı ıster departamentınıŋ basşysy Amantai Äubäkırov vedomstvo atqarǧan jūmystarǧa toqtala kele, departament qaramaǧynda jūmys ısteitın qyzmetkerlerdıŋ mūŋ-mūqtajyn aityp, deputattardan qoldau sūrady. Qauıpsızdık salasynda talmai eŋbek etıp jürgen azamattardyŋ basym köpşılıgı baspanasyz jür. Departament basşysy Amantai Äubäkırov jaŋa üilerdıŋ qūrylysyn bastaudy, bolmasa poliseilerge qyzmettık jataqhana böludı ūsyndy. Būl jaǧdai rettelse, jūmystyŋ önımdılıgı artyp, kadrlardyŋ tūraqtanuyna sep bolatynyn jetkızdı.
Osyǧan ūqsas jaǧdai Işkı saiasat basqarmasy men Dın ısterı jönındegı basqarmasynda da bar. Işkı saiasat basqarmasynyŋ basşysy Erlan Qanalimov bölıngen qarajat aqparattyq saiasatty jürgızuge tolyqtai jetkılıktı dei kele, «Ruhani jaŋǧyru» baǧdarlamasyn jüzege asyru, Astananyŋ 20 jyldyǧyna daiyndyq, «Mereilı otbasy» men «Jaujürek polkı» siiaqty maŋyzdy mädeni jäne qoǧamdyq şaralardy ötkızuge qosymşa qarjy böludı ötındı. Būl ūsynysty mäslihat deputattary bırauyzdan qoldady.
Dın ısterı jönındegı basqarmasynyŋ basşysy Daniiar Esin dın salasyna 2018 jylǧa arnalǧan biudjettı qaita qarastyrudy sūrady. Astana qalasynyŋ Ekonomika jäne biudjettık josparlau basqarmasynyŋ basşysy Erǧali Egemberdı keler jyly qarjy kölemı edäuır ūlǧaiatynyn jetkızdı.
Güldana TALǦATQYZY
