QR Bas prokuraturasy men Densaulyq saqtau ministrlıgı mälımdemesınıŋ qorytyndysy boiynşa baspasöz habarlamasy
QR Bas prokuraturasy men QR Densaulyq saqtau ministrlıgı QR Prezidentı janyndaǧy Ortalyq kommunikasiialar qyzmetı alaŋynda Qazaqstannyŋ qalalarynda bolǧan qaiǧyly oqiǧalar kezınde zardap şekkender men qaza bolǧandardyŋ sany turaly resmi mälımdeme jasady. Sonymen qatar oqiǧalar hronologiiasy jäne qūqyq būzuşylyqtardy tergeu turaly derekter jariialanyp, halyqqa qūqyqtyq, medisinalyq jäne psihologiialyq kömek körsetu boiynşa aqparat ūsynyldy.
QR BP qylmystyq qudalau qyzmetınıŋ bastyǧy Serık Şalabaevtyŋ aqparaty boiynşa 1 qaŋtarda Maŋǧystau oblysynyŋ Jaŋaözen qalasynda saǧat 17:20-da qala äkımdıgınıŋ janynda adamdar jinala bastady. Adamdar sūiyltylǧan gaz baǧasyn tömendetu talabymen el basşylyǧynyŋ atyna beineötınış jazyp alyp, sol künı saǧat 18:00-de tarap kettı. 2 qaŋtarda narazylyq bıldıruşıler sany jüzdegen adamǧa deiın artty, aksiiaǧa qatysuşylar ışkı joldardy jauyp tastady. Būl rette qūqyq qorǧau organdary küşter men qūraldardy qoldanbaǧan.
3 qaŋtarda narazylyq aksiialary basqa qalalar men aimaqtarda bastaldy. Osy künı Maŋǧystau oblysynyŋ tūrǧyndaryn qoldau maqsatynda elımızdıŋ basqa jetı öŋırınde (Atyrau, Aqtöbe, Almaty oblystary, BQO, Nūr-Sūltan, Almaty jäne ŞQO) «beibıt» mitingıler bastaldy.
4 qaŋtarda mitingıler jalǧasyp, öŋırler sany 11-ge jettı, adamdar rūqsatsyz jappai jinala bastady.
Qatysuşylar sany 37 myŋ adamǧa (Almaty, Nūr-Sūltan, Maŋǧystau, Aqtöbe, Qyzylorda oblystary) deiın kürt artty. Almaty men Şymkentte qaruly şabuyldar men bülıkter bastaldy.
Aita keteiık, sol künnen bastap qūqyq qorǧau organdary qyzmetkerlerge jäne äkımşılık ǧimarattarǧa jasalǧan şabuyldarǧa toitarys beru üşın adam öltırmeitın arnaiy qūraldardy qoldana bastady.
5 qaŋtarda tärtıpsızdıkter eldıŋ 11 öŋırınde jalǧasty. Qatysuşylar sany 50 myŋǧa jettı, qaŋtardyŋ 4-ınen 5-ıne qaraǧan tünı terrorister Almaty qalasy äkımdıgınıŋ ǧimaratyn jäne «Almaty» halyqaralyq äuejaiyn basyp aldy.
Qyzylordada şabuyldauşylar 9 avtokölıktı örtep jıberdı, Taldyqorǧanda oblys äkımdıgı, polisiia jäne ŪQKD ǧimarattaryn basyp aldy.
Sondai-aq BP ökılı terroristerdıŋ ıs-qimylyn üilestırudı jäne bailanys qūraldaryn paidalanuyn boldyrmau maqsatynda internetke kıru şektelgenın atap öttı.
6 qaŋtarda Qauıpsızdık Keŋesınıŋ şeşımımen elde antiterroristık operasiia ötkızıletını jariialandy. Osy künnen bastap qūqyq qorǧau organdary men Qaruly küşter terroristerdı joiu üşın qaru qoldana bastady.
7 qaŋtarda beibıt narazylyq şaralary bırneşe öŋırde (Maŋǧystau, Atyrau, Aqtöbe, Qaraǧandy jäne Şyǧys Qazaqstan oblystarynda) jalǧasty.
8 qaŋtarda jaǧdai bırtındep tūraqtana bastady, azamattardyŋ rūqsatsyz jinaluy toqtatyldy.
Sondai-aq Serık Şalabaev Memleket basşysynyŋ tapsyrmasy boiynşa BP «Almaty tragediiasynyŋ» jäne basqa öŋırlerdegı terroristık şabuyldardyŋ barlyq sebepterı men egjei-tegjeiın anyqtap jatqanyn atap öttı. Qūqyq qorǧau organdary terroristık şabuyldarǧa qatysuşylardy anyqtau jäne jazalau, eldegı qoǧamdyq qauıpsızdıktı tolyq qalpyna keltıru boiynşa barlyq qajettı şaralardy qabyldauda.
Sonymen qatar Bas prokuratura atalǧan barlyq oqiǧalar bır tızbektıŋ bölıkterı ekendıgıne, būl rette terroristerdıŋ ıs-qimyldary bıryŋǧai ortalyqtan üilestırılgenıne senım bıldırdı.
Bügınde 4578 jäbırlenuşı anyqtaldy, onyŋ 4353-ı jaralanǧan, onyŋ ışınde 3393-ı – (78 paiyz) küş vedomstvolarynyŋ qyzmetkerlerı. Tötenşe jaǧdai kezınde (5-14 qaŋtar aralyǧynda) elımızdıŋ mäiıthanalaryna 225 adam jetkızıldı. Olardyŋ keibırı – terrorlyq şabuyldarǧa qatysqan, ǧimarattar men qūqyq qorǧau küşterınıŋ qyzmetkerlerıne şabuyl jasaǧan qaruly qaraqşylar.
Vedomstvo ökılderı būl aldyn ala mälım bolǧan derekter ekenın atap öttı. Olar älı de naqtylanady jäne özgeruı mümkın.
Qalai bolǧanda da, är faktı mūqiiat zertteledı. Nätijelerı boiynşa qūqyqtyq baǧa berıletın bolady.
Qylmys jasady degen küdıkpen 672 adam uaqytşa ūstau izoliatoryna jetkızıldı, onyŋ ışınde 446-sy sot sanksiiasymen qamauǧa alyndy. Qūjattardy teksergennen keiın jäne prokuraturamen ūstauǧa negız bolmaǧandyqtan, 100-ge juyq adam bosatyldy.
BP är faktı boiynşa tiıstı qūqyqtyq baǧa beru arqyly mūqiiat zertteletının mälımdedı.
Bügıngı taŋda jedel tergeu toptary 546 qylmystyq ıstı tergeude, onyŋ ışınde 44-ı – terrorizm aktılerı boiynşa, 34-ı – jappai tärtıpsızdıkter boiynşa, 15 kısı öltıru jäne t. b.
«Qylmystyq proseste azamattardyŋ qūqyqtaryn qamtamasyz etu maqsatynda QR Adam qūqyqtary jönındegı uäkılımen, ūlttyq aldyn alu tetıgınıŋ jäne ūlttyq qoǧamdyq senım keŋesınıŋ qatysuşylarymen özara ıs-qimyl jolǧa qoiyldy. Zorlyq-zombylyqtyŋ, medisinalyq kömek körsetpeudıŋ jäne qorǧauşylardy ūsynbaudyŋ yqtimal jaǧdailaryn täuelsız tekseru maqsatynda olarǧa jetkızılgen jäne ūstalǧan adamdardy ūstau oryndaryna kıru mümkındıgı qamtamasyz etıldı» dedı BP ökılı.
Qazırgı uaqytta prokuraturaǧa qūqyq qorǧau organdarynyŋ ıs-äreketterıne qatysty 32 ötınış kelıp tüstı.
Sondai-aq zaŋdy qūqyqtary būzylǧan jaǧdaida azamattar 115 nömırı boiynşa Bas prokuraturanyŋ koll-ortalyǧyna nemese tıkelei prokuraturanyŋ aumaqtyq organdaryna jügıne alady.
QR DSM qoǧammen bailanys departamentınıŋ direktory Äsel Artakşinova TJ engızılgen sätten bastap 2678 zardap şeguşı medisinalyq kömekke, onyŋ ışınde 1815-ı ambulatorlyq kömekke jügıngenın habarlady. 863 adam stasionarlyq em aluda, 598 pasient şyǧaryldy, 265-ı emdeudı jalǧastyruda, 67 nauqas auyr halde reanimasiiada, 500-den astam kürdelı hirurgiialyq operasiia jasaldy.
Bas prokuratura mälım etken qaitys bolǧan 225 adamnyŋ 175-ı medisinalyq ūiymdarda köz jūmdy.
DSM mälımetınşe, densaulyq saqtau nysandaryna 20 şabuyl jasalǧan (5 stasionar, 1 MSAK jäne 14 därıhana, barlyǧy Almaty qalasynda ornalasqan), 7 medisina qyzmetkerı (5-euı Almatyda, 1-euden Şymkent qalasynda jäne Almaty oblysynda) jäne 4 öŋırde (Almaty – 31, Şymkent – 7, Almaty – 5, Jambyl – 2) 45 jedel medisinalyq järdem avtokölıgı zardap şektı, onyŋ ışınde 4 avtomobil jöndeuge kelmeidı.
Almatynyŋ üş medisinalyq klinikasynyŋ şamamen üş täulık boiy qorşauda bolǧanyn, qyzmetkerlerdıŋ būl kezeŋde auysymsyz, täulık boiy jūmys ıstegenın atap ötuımız qajet. Nauqastarǧa azyq-tülık jetkızılgen joq, därıgerler pasientterge tamaq daiyndauǧa mäjbür boldy.
«Zardap şekkender därıgerlerdıŋ sūraqtaryn tüsınbegen jäne memlekettık, orys tılderınde jauap bermegen jäne medisinalyq kömek alǧannan keiın medisinalyq ūiymdardan rūqsatsyz ketıp, tıptı belgısız qaruly adamdardyŋ süiemeldeuımen reanimasiiadan şyqqan jaǧdailar boldy. Öz kezegınde Densaulyq saqtau ministrlıgı azamattarǧa barynşa kömek körsetedı jäne jaǧdaidy odan ärı tūraqtandyru boiynşa küşeitılgen jūmysty jalǧastyrady» dep tüiındedı DSM ökılı.
Qazırgı uaqytta respublikanyŋ barlyq medisinalyq ūiymdary, onyŋ ışınde Almaty qalasy boiynşa ştattyq rejimde jūmys ıstep jatyr. Būdan basqa, medisinalyq aviasiiamen rezerv qūru üşın Nūr-Sūltan qalasynan respublikalyq qan ortalyǧyna 360 doza qan jetkızıldı.
IIM-men bırlesıp Almaty, Nūr-Sūltan, Şymkent, Aqtöbe qalalarynda «SK Farmasiia» JŞS därılık qoimalaryn täulık boiy küzetu qamtamasyz etıldı, onda TMKKK jäne MÄMS şeŋberınde pasientterdı emdeuge arnalǧan därı-därmek, esırtkı jäne psihotroptyq zattar saqtalady.
