– Qazır Qazaqstanda koreilerdıŋ altynşy ūrpaǧy tūrady. Ärine, uaqyt öz degenın alady. Alysta qalǧan auyr künderdıŋ jaŋǧyryǧy basylyp kettı deuge bolady. Qazaq jerıne aiaq basqan alǧaşqylardyŋ aty men qazaq jerındegı alǧaşqy qadamy da sanadan öşıp barady. Bıraq ūmytuǧa bolmaityn jaittar bar, būl – igı ıster, adamǧa tän jylulyq, jergılıktı halyqtyŋ bauyrlastyq qoldauy. Qonys audaruşylardyŋ alǧaşqy ūrpaǧynan bastap koreiler qazaq halqyna alǧysyn bıldıruden tanǧan joq. Bıraq osynau tereŋ, şynaiy sezımdı sözben aityp qana qoimai, ata-anamyz aman qalu üşın iyq tırese küresken, elımızdegı adamdar arasyndaǧy qarym-qatynastyŋ ırgetasy qalanǧan, şynaiy qūndylyqtar ornyqqan kezeŋderdı mäŋgılık este qaldyru. «Alǧys sezımı – eŋ ülken sezım» dep ejelgı danyşpandar aitqan eken. Bız üşın qiyn jyldarda qazaq halqy ata-babamyzdy qalai qarsy alǧanyn ärqaşan rizaşylyqpen eske alamyz. Qazır bız bärımız üşın ortaq Otanda ömır sürıp jatyrmyz. Bız onyŋ igılıgı üşın küş-jıgerımızdı aiamaimyz.
Qazaqstandaǧy koreiler – respublikadaǧy eŋ ırı etnikalyq diasporanyŋ bırı. 1990 jyly 3 mausymda korei diasporasynyŋ mädeni mūrasyn saqtauǧa orasan zor üles qosqan jäne qosyp kele jatqan Qazaqstan koreilerı qauymdastyǧy qūryldy.
Roza PAK,
Astana qalasyndaǧy korei etnomädeni bırlestıgı töraǧasynyŋ orynbasary
