Konstitusiia künı qarsaŋynda qūrylys salasynyŋ eŋbek sıŋırgen qyzmetkerlerıne mereitoilyq medaldar men alǧys hattar tabys etıldı. Būl turaly Altai Kölgınov özınıŋ instagram paraqşasynda jazdy.
«Bügın Qazaqstan Qūrylysşylar odaǧynyŋ ökılderımen kezdesu öttı. Qūrylys jūmystarynyŋ sapasyn jaqsartyp qana qoimai, merzımın qysqartuǧa mümkındık beretın bırqatar maŋyzdy mäseleler talqylandy. Atap aitqanda, nysandardy jobalau men saluǧa rūqsat beru qūjattamasyn daiyndau merzımderın qysqartu, prosestı avtomattandyru jäne qūjattardy äzırleudıŋ neǧūrlym aşyq prosesın qamtamasyz etu mäselelerı talqylandy.
QR Qūrylysşylar odaǧy tūrǧyn üi qūrylysy kezınde tūraq oryndarynyŋ sanyn azaitu bölıgınde normativterdıŋ özgeruın qarastyrudy ūsyndy, öitkenı tūraq oryndarynyŋ köp boluy tūrǧyn üidıŋ qymbattauyna alyp keledı. Mäselenı jüielı deŋgeide qarastyramyz.
Qūrylysşylardyŋ eren eŋbegınıŋ arqasynda qala ösıp, damyp keledı. Biyl qoljetımdı tūrǧyn üi kölemı üş ese, salynǧan mektepter sany ekı ese artty. Sonymen bırge joldar, aulalar men tynymbaqtar, ırı sport ǧimarattary, balabaqşalar, medisinalyq ortalyqtar salynyp jatyr. Qala men halyq üşın maŋyzdy basqa da bırqatar nysandardyŋ qūrylysy qolǧa alyndy. Özara jauapkerşılık te boluy kerek. Kompaniialar qūrylysqa kırısken kezde sapaly qūrylys jürgızıp, mındettemelerın tolyq kölemde oryndauy qajet. Öz tarapymyzdan kömek pen qoldau körsetemız.
Osyndai kezdesuler men onlain-keŋesterdı tūraqty negızde: medisinalyq mekemelerdıŋ bas därıgerlerımen, oqu oryndarynyŋ direktorlarymen, käsıpkerlermen, ükımettık emes jäne jastar ūiymdarynyŋ ökılderımen jäne t. b. ötkızemız» dep jazdy A.Kölgınov.
