Tūrǧyn üi kezegınde tūrǧan azamattar jyl saiyn qūjattaryn jaŋalap otyruy tiıs. Būl turaly Astana qalasy mäslihatynyŋ zaŋdylyq, qūqyq tärtıbı jäne qoǧammen jūmys jasau mäselelerı jönındegı tūraqty komissiianyŋ otyrysynda aityldy.
Jiynda alǧaşqy bolyp söz alǧan Jūmyspen qamtu jäne äleumettık qorǧau basqarmasy basşysynyŋ orynbasary Änuar Saipov azamattardy esepke aludy ūiymdastyru jäne tūrǧyn üilerdı bölu tärtıbı turaly baiandady. Onyŋ aituynşa, ötken jyldyŋ 2 säuırındegı esep boiynşa tūrǧyn üi kezegınde tūrǧan astanalyqtardyŋ sany 48324 bolsa, biylǧy 4 qaŋtarda ol 45184-ke kemıptı. Sonyŋ 2737-sı ata-anasynyŋ qamqorlyǧynsyz qalǧan balalar eken. Al 22052-sı memlekettık qyzmetkerler bolsa, qalǧan 20 myŋnan astamy – äleumettık jaǧynan az qamtylǧan otbasylar. Soŋǧy 5 jyl ışınde tūrǧyn üi kezegıne tūru jönınde 44 myŋnan asa ötınış tüsıp, sonyŋ 32 myŋnan astamy qabyldanypty. Sol siiaqty 2018 jyldyŋ basynan bergı 4851 ötınıştıŋ 2848-ı kezekke qoiylypty.
Öz kezegınde tūrǧyn üi qorynyŋ direktory Nūrsūlu Qojahmetova kezekte tūrǧan azamattar jyl saiyn qūjattaryn jaŋalap otyrulary qajet ekenın aitty. Sonymen qatar tūrǧyn üi qory arqyly baspanaly bolǧandar päterde özderı tūruǧa mındettı ekenın de söz ettı. Öitkenı tūrǧyn üi kezegı arqyly päterler tek baspanaǧa mūqtajdarǧa ǧana berıledı. Bıraq tekserıs kezınde 117 jalǧa beru jaǧdaiy tırkelıptı. Qataŋ eskertuden keiın onyŋ 41-ı päterlerıne özderı köşıp barsa, 15-ı älı de qonystanbapty. Al 50-ıne taǧy da bıraz uaqyt berılıptı. Sondai-aq jarty jyldan berı päter aqysyn tölemegen 103 azamattyŋ qaryzy
9,5 mln teŋgege jetıp, onyŋ 4,2 mln teŋgesı qaitarylypty. Eger kezegı kelıp üi alǧandar päterde özderı tūrmasa nemese jalǧa alu aqysyn uaqytyly tölemese, olardyŋ baspanany bosatu jönındegı ısı sotqa jıberıletının aitady tūrǧyn üi qorynyŋ direktory.
Kezekte tūrǧan ata-ana qamqorlyǧynsyz qalǧan balalardyŋ 2016 jyly 41-ı, 2017 jyly 49-y, al 2018 jyly 33-ı ǧana baspanaly bolǧanyn aityp, olardyŋ sanynyŋ nege azaiyp bara jatqanyn sūraǧan mäslihat deputaty Ramziia Umerbaeva jetım balalar basqa qalaǧa oquǧa barǧan jaǧdaida kezegınıŋ qanşalyqty saqtalatyny turaly saual qoidy.
Baspanaly bolǧan jetım balalardyŋ azaiu sebebın qūrylys nysandardyŋ salynuymen bailanystyrǧan Nūrsūlu Qojahmetova kezekte tūrǧandar üşın biyl 1500 päter paidalanuǧa berılse, sonyŋ 300-ı ata-ana qamqorlyǧynsyz qalǧan balalardyŋ enşısınde bolatynyn atap öttı.
