Qaŋtar qasıretı turaly ärqily äŋgıme aitylatyny jasyryn emes. «Aqiqatyn Alla bıledı» desek te, qūqyqtyq qoǧamda bärıne zaŋ oryndary baǧa berdı. Al jaza basyp, arandap qalǧan jandardyŋ jaǧdaiyn kım ūǧady?
Prezident Q.Toqaev Qazaqstan halqyna Joldauynda osy şetın mäselenı ainalyp ötpegenı dūrys boldy. «Bızge el bırlıgı auadai qajet, – dedı ol. – Ereuılge qatysqandar da, küştık qūrylym qyzmetkerlerı de – öz azamattarymyz. Olar sot ädıl ötedı dep qana emes, qoǧam keşırımdı bolady dep ümıttenıp otyr. Memleket qaŋtar oqiǧasyna qatysqan, bıraq auyr qylmys jasamaǧan azamattardyŋ jazasyn jeŋıldettı. Zaŋ būzǧandardyŋ bırqatary kınäsın tüsınıp, ötken ıske ökınıp otyr. Olarǧa keşırımmen qaraǧan dūrys dep oilaimyn. Sondyqtan men qaŋtar oqiǧasyna qatysuşylarǧa bır rettık raqymşylyq jariialau turaly şeşım qabyldadym».
İä, meiırım, keşırım degen qūndylyq nemese adami işarat jönsız ūrys-kerıstıŋ, orynsyz päle-jalanyŋ aldyn aluǧa yqpal etedı. Mūndai örelı şeşım adamşylyqqa negızdelgen dästürımızge de, keşırımdı boluǧa şaqyratyn ata dınımızge de sai keledı.
Bıraq «almaqtyŋ da salmaǧy bar» degendei, mūnyŋ arǧy jaǧynda qoǧam jauapkerşılıgı arta tüsuı qajet. «Jaŋa Qazaqstan» mūny tereŋ tüsınedı dep oilaimyz.
Darhan MYŊBAI,
Mäjılıs deputaty
