– Prezident Qasym-Jomart Toqaev Ūlttyq qūryltaida söilegen sözınde qoǧamnyŋ ruhani damuynyŋ perspektivalary men tūjyrymdamalyq baǧdaryn ǧana aiqyndap bergen joq. Sonymen qatar, elımızdıŋ jaŋa ideologiialyq strategiiasyn ıske asyrudyŋ naqty qadamdaryn ūsyndy.
Būl arada negızgı bırneşe baǧytty atap ötu kerek. Bırınşıden, Memleket basşysy ūlttyŋ jaŋa sapasyn qalyptastyrudy, ūlttyq qūndylyqtardy odan ärı damytudy, halqymyzdyŋ bıregeilıgın nyǧaitudy ideologiialyq jūmystyŋ basty basymdyqtary retınde aiqyndap berdı.
Ekınşıden, Qasym-Jomart Toqaev Prezident qyzmetıne kırısken sätten bastap Täuelsızdık mūrattary jäne patriotizm, eŋbek pen bılım kultı, qūqyq pen tärtıp, adamgerşılık pen jauapkerşılık sekıldı qūndylyqtardy maqsatty türde alǧa tartyp keledı. Endı Prezident būl qūndylyqtardy «Ädılettı Qazaqstan – Berekelı qoǧam – Adal azamat» atty bıryŋǧai tūjyrymdamaǧa bırıktırıp otyr. Qoǧamnyŋ jaŋa ädebın qalyptastyru baǧytyndaǧy jūmys öte auqymdy. Ony jüzege asyruǧa memleket te, tūtas qoǧam da, elımızdıŋ ärbır azamaty da jauapkerşılıkpen qarauy qajet.
Üşınşıden, Memleket basşysy bılım, ǧylym, mädeniet salalary boiynşa naqty jobalar ūsyndy. Al būl – elımızdıŋ ideologiialyq baǧytyn damytudyŋ naqty baǧdarlamasy. Sonymen qatar, ūlttyŋ jaŋa sapasyn qalyptastyru jönındegı bastamalardy tez arada ıske asyru mümkın emes. Osylaişa, Prezident el damuynyŋ ūzaq merzımdı kün tärtıbın belgılep berdı.
Törtınşıden, atalǧan bastamanyŋ jūrtşylyqqa ūsynylǧan uaqytyn da erekşe atap ötken jön. Bız qazır saiasi reformalardyŋ basym bölıgın jüzege asyrudy aiaqtap, ekonomikada ülken özgerısterdı bastaityn sätte tūrmyz. Sondyqtan Prezidenttıŋ qoǧamdyq qūndylyqtardy nyǧaitu turaly bastamasy der kezınde köterılıp otyr. Jalpy alǧanda, bız Prezident reformalarynyŋ üş baǧyttaǧy üilesımdılıgın körıp otyrmyz: saiasat, ekonomika, ideologiia.
Erlan QARİN,
Memlekettık keŋesşı
