«EKSPO-2017» halyqaralyq mamandandyrylǧan körmesıne keluşıler sany 425 377 adamǧa jettı.
Jalpy 10-27 mausym aralyǧynda körme nysandaryna 2 774 527 adam kelıp kettı. Halyq eŋ köp barǧan pavilondardyŋ köşın äzırge Resei bastap tūr. Özbekstan men Ündıstan – ekınşı jäne üşınşı orynda. Äzerbaijan men Afrika elderınıŋ mädenietımen tanysqysy keletınderdıŋ de qatary az emes eken. Tızımdı tarihy tereŋde jatqan qos el – Mysyr men Qytai jalǧady. Keluşıler Türkiia men Saud Arabiia Koroldıgıne de qyzyǧuşylyq tanytqan sekıldı, olar segızınşı jäne toǧyzynşy orynǧa jaiǧasty. Al djungli älemıne saiahattauǧa şaqyrǧan Malaiziia üzdık ondyqty tüiındedı.
Körmede halyqaralyq pavilondardan basqa jūrtşylyq baratyn nysandar jeterlık. Şeteldıkter tūrmaq qazaqstandyqtardyŋ özın taŋdai qaqtyrǧan «Nūr Älem» ūlttyq pavilony halyqtyŋ köŋılınen şyqty deuge negız bar. Aumaqqa kelgenderdıŋ sany rekordtyq körsetkıştı körsetıp tūr. Halyq eŋ köp bas sūqqan nysandardyŋ qatarynda dep kommersiialyq pavilondardy, «Şell» balalar zerthanasyn, diu Solei sirkın, ekı taqyryptyq pavilondy, amfiteatrdy, şyǧarmaşylyq energiia aimaǧyn, korporativtık pavilon men balalar saiabaǧyn aituǧa bolady.
Osy uaqytqa deiın qauıpsızdık mäselesı boiynşa 178 oqiǧa tırkeldı. Olardyŋ basym bölıgı eresekterdıŋ balalardan köz jazyp qaluymen bailanysty. Al kün ötu, älsıreu jäne taǧy basqa oqys saldarynan, sondai-aq, sozylmaly aurulary bar jandar tarapynan medisinalyq kömekke jügıngenderdıŋ sany 146-ǧa jettı.
Güldana TALǦATQYZY
