RESPUBLİKALYQ BIRINŞILIK BASTALDY
Keşe «Alau» mūz aidyny saraiynda üstel tennisınen mümkındıgı şekteulı jandardyŋ arasynda respublikalyq chempionat bastaldy. Bairaqty bäsekege elımızdıŋ är öŋırınen kelgen 100-den astam azamat qatysyp jatyr.
Sporttyq ıs-şarany qaiyrymdylyqpen ainalysatyn «Speşial Olimpiks Qazaqstan» qoǧamdyq bırlestıgı ūiymdastyrdy. Atalǧan qoǧamdyq bırlestıktıŋ bas direktory Olga Bahareva şaranyŋ basty maqsaty mümkındıgı şekteulı adamdarǧa kömek körsetu ekenın aitady.
– Ökınışke qarai, bızdıŋ qoǧamda mümkındıgı şekteulı azamattardy şettetıp jatatyn oqiǧalar kezdesıp jatady. Būl, ärine, atalǧan adamdarǧa öte auyr äser etedı. Sondyqtan da bız olardy qoǧamnyŋ tolyqqandy müşesı retınde sezındıru üşın sporttyq ıs-şaralardy jiı ötkızıp tūramyz. Mäselen, bızdıŋ ūiym olimpiadalyq sport türlerınen ärtürlı jarystardy jyl saiyn ūiymdastyryp otyrady. Osynyŋ arqasynda mümkındıgı şekteulı azamattar denesın şynyqtyryp ärı quanyp jatady, – dedı ol.
Olga Baharevanyŋ aituynşa, sport mümkındıgı şekteulı azamattardyŋ äleumettık jäne ruhani damuyna aitarlyqtai üles qosady. Sol sebeptı olar bairaqty bäsekede erekşe belsendılık tanytady. Jarys jeŋımpazdary bügın anyqtalady.
Serık Joldasbai